وندا حالىق قالاۋلىلارى زەينەتكەرلەر مەن قارت ادامداردىڭ ءومىر ءسۇرۋ ساپاسىن جاقسارتۋعا باعىتتالعان قور جۇمىسىمەن تانىسىپ, ورتالىققا كەلگەن قازىنالى قارتتارمەن پىكىر الماستى.
گ. يسيمباەۆا زەينەتكەرلەرگە ەلباسىمىزدىڭ بەس الەۋمەتتىك باستاماسى, سونداي-اق, باسقا دا مەملەكەتتىك ماڭىزدى باعدارلامالار تۋرالى جانە ولاردى زاڭنامالىق تۇرعىدان قامتاماسىز ەتۋ جولىندا اتقارالىپ جاتقان جۇمىستار تۋرالى اڭگىمەلەدى.
ءوز سوزىندە ءماجىلىس توراعاسىنىڭ ورىنباسارى اعا بۋىننىڭ مول ءبىلىمى مەن باي تاجىريبەسى وسكەلەڭ ۇرپاق ءۇشىن ارقاشاندا ۇلگى-ونەگە ەكەنىن ايرىقشا اتاپ ءوتتى.
ايتا كەتەيىك, اتالعان قور 2017 جىلى 12 مامىردا 2002 جىلعى قارتايۋ پروبلەماسى جونىندەگى مادريد حالىقارالىق ءىس-قيمىل جوسپارىنا جانە قازاقستان رەسپۋبليكاسىنىڭ مەملەكەتتىك الەۋمەتتىك ساياساتىنا سايكەس قۇرىلعان.
قازىرگى ۋاقىتتا «بەلسەندى ۇزاق ءومىر ءسۇرۋ» ورتالىعىنىڭ بازاسىندا 1757 ادام تىركەلدى, ولار كەز كەلگەن ۋاقىتتا باس قوسىپ, پىكىر الماسىپ, زاڭگەر, پسيحولوگ, دارىگەرلەردەن وزدەرىن مازالاعان سۇراقتارىنا جاۋاپ الا الادى. ورتالىقتا اقساقالدار كلۋبى, كومپيۋتەرلىك سىنىپ, دەنە شىنىقتىرۋ بولمەلەرى بار.
قور قىزمەتكەرلەرى زەينەتكەرلەر مەن قارتتارعا, باقىتتى جانە تولىققاندى ءومىر سۇرۋگە جاعداي جاساۋ ءۇشىن, اتاپ ايتقاندا, تۇرعىن ءۇي, كومەك كورسەتۋ, كۇتىم جاساۋ سياقتى ماسەلەلەردى ءتيىمدى شەشۋدىڭ بارلىق مۇمكىندىكتەرىن قاراستىرادى.
وسى كۇنى دەپۋتاتتار جەڭىل دارەجەلى كوگنيتيۆتىك بۇزىلىستارى بار قارتتارعا, زەينەتكەرلىك جاسقا جەتكەن تۇلعالارعا جاتتىعۋ مەن قالپىنا كەلتىرۋگە ارنالعان كۇندىزگى قىزمەت ورتالىعىنا باردى.
وندا الەۋمەتتىك-مەديتسينالىق, الەۋمەتتىك-پسيحولوگيالىق, الەۋمەتتىك-ەڭبەك, الەۋمەتتىك-مادەني, الەۋمەتتىك-قۇقىقتىق باسقا دا قىزمەتتەر ءتۇرى ۇسىنىلادى.
