جاڭاقورعان اۋدانىنداعى شارۋا قوجالىعى باسشىلارىمەن كەزدەسۋ بارىسىندا سەنات دەپۋتاتتارى اۋىل شارۋاشىلىعىنىڭ تىنىس-تىرشىلىگىمەن تانىسىپ, جاز ايلارىندا اعىندى سۋدىڭ كۇرت ازايىپ سۋ تاپشىلىعىنا دۋشار بولاتىندىعى جايىندا, سونىمەن قاتار جانار-جاعار مايدىڭ قىمباتتاپ ەگىن شارۋاشىلىعىنا قاتتى اسەر ەتەتىندىگى جايىندا اۋقىمدى پروبلەمالىق سۇراقتارعا كوڭىل ءبولىپ كوپ پىكىرلەر الماستى. شارۋا قوجالىعىنىڭ باسشىلارى ۇكىمەت كەلەشەكتە وسى ماسەلەلەرگە كوپ كوڭىل اۋدارىپ, الدىن-الا رەتتەپ, شەشىمدەرىن تاۋىپ وتىرسا دەگەن ۇسىنىس, تىلەكتەرىن ايتتى.
سەناتورلار شيەلى اۋدانىندا «ارۋ-انا» جشس باسشىلارىمەن كەزدەستى. اتالعان شارۋا قوجالىعى وندىرەتىن تۇيە سۇتىنەن جاسالاتىن بالمۇزداق حالىق اراسىندا سۇرانىسقا يە. شارۋانى ودان ءارى جانداندىرۋ ءۇشىن مەكەمە باسشىلارى ۇكىمەتتەن نەسيە الۋ قيىن ەكەنىن جانە نەسيە پايىزدارى تىم جوعارى بولاتىنىن اتاپ ءوتىپ, نەسيەنى كاسىپكەرلەر ءۇشىن قول جەتىمدى جانە قولايلى ەتىپ قاراستىرۋدى سۇرادى.
سونداي-اق, سەنات دەپۋتاتتارى جالاعاش اۋدانىندا «بايتابىن» جشس-دە بولىپ, اق مارجان كۇرىش ءوسىرىپ, باپتاپ وتىرعان ەڭبەكشى ۇجىممەن جۇزدەستى. كۇرىششىلەر حالىق قالاۋلىلارىمەن ەمەن-جارقىن سۇحباتتاسىپ, سۋ تاپشىلىعىن تىلگە تيەك ەتتى جانە سۋدى ۇنەمدەي وتىرىپ, 1 گەكتار القاپتان 70 تسەنتنەر ءونىم جيناۋ مۇمكىندىكتەرى بار ەكەندەرىن جەتكىزدى.
قازالى اۋدانىندا اۋداندىق ماسليحات دەپۋتاتتارىمەن جانە دە اۋدان كاسىپكەرلەرىمەن كەزدەسىپ, اعىمداعى جىلى 29-ماۋسىم كۇنى قابىلدانعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سايلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى تانىستىرىپ, جان-جاقتى ءتۇسىندىردى. سونداي-اق, سەناتورلار قازالى اۋدانى, اقتابان باتىر اۋىلدىق وكرۋگىنىڭ بەلسەندىلەرىمەن كەزدەسىپ, اۋىلدىڭ تۇرمىس-جاعدايىمەن تانىستى جانە ەل ەكونوميكاسىن دامىتۋداعى مەملەكەت تاراپىنان جاسالىپ جاتقان باعدارلامالار تۋرالى تۇرعىندارمەن وي-پىكىر الماستى. اشىق ديالوگ بارىسىندا سەنات دەپۋتاتتارى ەلىمىزدە اتقارىلىپ جاتقان اۋقىمدى ىستەردىڭ ناتيجەلى جۇزەگە اسىرىلىپ جاتقاندىعى تۋرالى جان-جاقتى اڭگىمەلەدى جانە كەزدەسۋگە كەلگەن حالىقتىڭ ۇسىنىس-تىلەكتەرى قاپەرگە الىناتىنىن جەتكىزدى.
سەناتولار تۇرعىنداردى ەلىمىزدى وركەندەتۋ جولىندا جۇمىلا جۇمىس جاساۋعا شاقىردى.
