وڭىردە تسيفرلاندىرۋ اياسىندا الەۋمەتتىك ينفراقۇرىلىمدى ينتەرنەتپەن قامتۋ جانە كومپيۋتەرلەندىرۋ بويىنشا اۋقىمدى جۇمىستار جالعاسۋدا. ءبىلىم بەرۋ مەن دەنساۋلىق ساقتاۋ سالالارىنا ەرەكشە كوڭىل بولىنەدى. بۇگىنگى تاڭدا قابىلدانعان شارالاردىڭ ارقاسىندا وبلىستىڭ بارلىق 398 جالپى ءبىلىم بەرەتىن مەكتەپتەرى ينتەرنەت جەلىسىنە قول جەتكىزە الدى, - دەپ مالىمدەدى اقپاراتتاندىرۋ جانە سىرتقى بايلانىس باسقارماسىنىڭ باسشىسى ەرمەك كەنجەحان ۇلى.
«قازاقتەلەكوم» اق-مەن جاسالعان كەلىسىمنىڭ ارقاسىندا» وبلىستىڭ 242 مەكتەبىندە ينتەرنەت جىلدامدىعى 4 مبيت-كە دەيىن جانە ودان دا جوعارى تەگىن كوتەرىلدى. ۇنەمدەلگەن قاراجات سپۋتنيكتىك بايلانىس ارقىلى قاشىقتاعى 92 مەكتەپتى قوسىمشا قوسۋ ءۇشىن قايتا باعىتتالادى. وسىلايشا, جىل اياعىنا دەيىن ءبىزدىڭ وبلىستىڭ بارلىق مەكتەپتەرىنە جوعارى جىلدامدىقتى ينتەرنەت ۇسىنىلاتىن بولادى, - دەدى ە.كەنجەحان ۇلى.
بيىلعى جىلى مەكتەپتەر ءۇشىن 1700 كومپيۋتەر مەن مۋلتيمەديالىق جابدىق ساتىپ الۋعا 588 ملن. تەڭگە ءبولىندى. تاعى 48 ميلليون تەڭگە قىزمەت كورسەتۋ ادىسىمەن كومپيۋتەرلەردى ساتىپ الۋعا جۇمسالادى. ءۇش جىلدىق قىزمەت كورسەتۋ مەرزىمى بار 5 مىڭ كومپيۋتەر ساتىپ الۋ جوسپارلانىپ وتىر.
ينتەرنەتكە كەڭ جولاقتى قاتىناۋدى جانە جابدىقتى ساتىپ الۋدى قامتاماسىز ەتۋمەن قاتار اقپاراتتىق جۇيەلەردى ەنگىزۋ بويىنشا جۇمىس جالعاسۋدا, ونىڭ ارتىقشىلىعىن اقتوبەلىكتەر باعالاپ تا ۇلگەردى. مىسالى, ءبىلىم باسقارماسىنىڭ مالىمەتىنە سايكەس, «كۇندەلىك» يج ەنگىزۋ ارقىلى مەكتەپتە ساباققا قاتىسپاۋ 2 ەسە قىسقارتىلدى. بۇگىنگى تاڭدا وبلىستاعى مەكتەپتەردىڭ 91,5% جۇيەدە جۇمىس ىستەيدى. ونىڭ قىزمەتتەرىن 17 مىڭنان استام مۇعالىم, 131 مىڭ مەكتەپ وقۋشىسى جانە 99 مىڭعا جۋىق اتا-انالار پايدالانادى.
دەنساۋلىق ساقتاۋ سالاسىنا كەلەتىن بولساق, بۇگىندە وبلىستىڭ اۋداندارى مەن وبلىس ورتالىقتارىندا ورنالاسقان بارلىق ەمدەۋ مەكەمەلەرى ينتەرنەتكە قولجەتىمدىلىكتى 100% قامتاماسىز ەتىلدى. نەبارى 500 ادامعا قىزمەت كورسەتەتىن 138 اۋىلدىق مەديتسينالىق مەكەمەدە بۇكىلالەمدىك جەلىگە قول جەتىمدىلىك جوق.
«جالپى, وتكەن ايدا تالپىنىس بار, جۇمىس ءجۇرىپ جاتىر. بىراق ورتاشا رەسپۋبليكالىق كورسەتكىشتەرمەن سالىستىرعاندا, كەيبىر پۋنكتتاردا ارتتا قالۋ بار. ماسەلەن, مەملەكەتتىك قىزمەتتەردىڭ تەك 19% ەلەكتروندى تۇردە ۇسىنىلعان. بۇل وتە از. وسىنداي جاعداي, وتىنىشتەردى اۆتوماتتاندىرىلعان قابىلداۋ جۇيەسىمەن جانە بالا باقشاعا كەزەككە قويۋمەن بايلانىستى. دەنساۋلىق ساقتاۋ سالاسىندا دارىگەرگە كورىنۋ ءۇشىن ەلەكتروندى تاپسىرىس بويىنشا سۇراقتار بار. جالپى, دارىگەرلەر ءالى دە قاعازدى تولتىرۋعا كوپ ۋاقىتىن جۇمسايدى. تسيفرلاندىرۋدىڭ ءمانى جۇمىستىڭ جەڭىلدەتىلۋىنە جانە قىزمەتتەردى الۋدى جەڭىلدەتۋدە», - دەپ وبلىس اكىمى بىرقاتار كەمشىلىكتەردى اتاپ ءوتتى.
ول سونداي-اق, اۋىل شارۋاشىلىعى جانە تۇرعىن ءۇي-كوممۋنالدىق شارۋاشىلىق سالالارىندا تسيفرلاندىرۋدى قۇرۋ جونىندەگى جۇمىستى كۇشەيتۋدى تاپسىردى. ەڭ باستىسى, ورتالىقتاندىرىلعان دەرەكتەردى جيناۋ ءۇشىن بارلىق ەنگىزىلگەن جانە قولدانىستاعى اقپاراتتىق جۇيەلەردى بىرىكتىرۋ.
ءوسىپ كەلە جاتقان تسيفرلاندىرۋ اياسىندا وبلىس حالىقتىڭ تسيفرلىق ساۋاتتىلىعىن ارتتىرۋعا كوپ كوڭىل بولەدى. وسى ماقساتتا اعىمداعى جىلدىڭ ماۋسىم ايىندا وبلىستىڭ, سونىڭ ىشىندە شالعاي ەلدى مەكەندەردىڭ تۇرعىندارىن وقىتاتىن 220-دەن استام جاتتىقتىرۋشى دايىندالدى. بۇگىنگى كۇنى 24 مىڭنان استام ادام قازىرگى زامانعى اقپاراتتىق جۇيەلەرمەن جانە تەحنولوگيالارمەن جۇمىس جاساۋدا نەگىزگى بازالىق بىلىمدەرىن الدى. ەرەسەكتەردى وقىتۋعا باسىمدىق بەرىلەدى.
