وسىلايشا حولدينگ حاتتاردى جىبەرۋ شىعىندارىن 100% تومەندەتۋدى, حاتتاردى وڭدەۋ جىلدامدىعىن ايتارلىقتاي ارتتىرۋدى, ورىنداۋشىلىق ءتارتىپتى جاقسارتۋدى, ماڭىزدى قۇجاتتار بويىنشا مەرزىمىنەن كەشىگۋ كورسەتكىشتەرىن تومەندەتۋدى جوسپارلاعان. وسىنىڭ ارقاسىندا ۋاقىتپەن قاتار قارجى ۇنەمدەلەدى: 2022 جىلعا دەيىن ەكونوميكالىق اسەر جارتى ميلليارد تەڭگەنى قۇرايدى.
بيىلعى شىلدەدە «سامۇرىق-قازىنا» اق باسقارما توراعاسى احمەتجان ەسىموۆتىڭ تاپسىرماسىمەن قاعازسىز قۇجات ايلانىمىنا ءوتۋ جوسپارىن ازىرلەۋ بويىنشا جۇمىس توبى قۇرىلدى. ول مەكەمەلەردىڭ تەحنيكالىق مۇمكىندىگىن جانە ەسق ارقىلى حات الماسۋعا ءوتۋ دايىندىعىن انىقتادى. بۇگىندە حات الماسۋدىڭ 17% عانا قاعازسىز جۇزەگە اسادى, ال كومپانيالاردىڭ 36%-دا ەلەكتروندىق قۇجات ايلانىمىنىڭ ءتيىستى جۇيەلەرى جوق.
ەگەر قازىر قورجىندىق كومپانيالاردان, اسىرەسە شالعايدا ورنالاسقان كومپانيالاردان جىبەرىلگەن قۇجاتتاردى تىركەۋ جانە وڭدەۋ 2 اپتا ىشىندە جۇزەگە اسسا, جاڭا باستاما ىسكە اسقاننان كەيىن حاتتاردى وڭدەۋ جىلدامدىعى 1 مينۋتقا دەيىنگى ۋاقىتتى قۇراماق. بۇل ءۇشىن اقپاراتتىق تەحنولوگيالار دەپارتامەنتىنىڭ قىزمەتكەرلەرى قوردىڭ 129 كومپانياسىندا ەلەكتروندىق قۇجات اينالىمىنىڭ بىرىكتىرىلگەن جۇيەسىن ىسكە قوسادى.
جوبا جۇزەگە اسقان سوڭ, قور جانە ەنشىلەس مەكەمەلەر مەملەكەتتىك ورگاندارمەن, ۇيىمدارمەن جانە باسقا زاڭدى تۇلعالارمەن قاعازسىز حات الماسا الادى.
سونىمەن بىرگە قور تۇراقتى تۇردە ىشكى پروتسەستەردى وڭتايلاندىرىپ, قاعازباستىلىقتى تومەندەتۋدى جوسپارلاپ وتىر.
