ساپار بارىسىندا سەنات دەپۋتاتارىنىڭ نازارىن اۋدارعان ماسەلەلەردىڭ ءبىرى تاراز قالاسىنان شىعاتىن قالدىق سۋلاردى ارنايى سۇزگىدەن وتكىزەتىن ورىننىڭ بولماۋى. وسىنىڭ سالدارىنان بولاشاقتا كورشى جاتقان جامبىل اۋدانى تۇرعىندارى دا اۋىز سۋدىڭ ازابىن تارتۋى مۇمكىن. ويتكەنى, تازالانباعان قالدىق سۋ جەر استى سۋىمەن قوسىلىپ كەتەدى. 2000 جىلدىڭ تاريحى بار تاراز ءۇشىن بۇل وتە وزەكتى ماسەلە. سونداي-اق, سەناتورلارمەن كەزدەسۋدە ەلدى مەكەندەردى گازداندىرۋ مەن اۋىزسۋ ماسەلەرى دە كوتەرىلدى.
سەنات توراعاسىنىڭ ورىنباسارى بەكتاس بەكنازاروۆ وبلىس اكىمشىلىگى, ءماسليحات دەپۋتتاتارىمەن ايماقتاعى مەكەمە باسشىلارىمەن, بۇقارالىق اقپارات قۇرالدارىنىڭ وكىلدەرىمەن دە كەزدەسىپ, ەلباسىنىڭ ەلباسى جولداۋى مەن بەس الەۋمەتتىك باستاماسىنىڭ ماڭىزىن جان-جاقتى ءتۇسىندىردى.
«قازاقستان الەمدەگى ءتۇرلى سىناقتارعا توتەپ بەرىپ, قارقىندى ەكونوميكالىق دامۋ جولىنا بەت الدى. بۇل ورايدا ەلىمىزدىڭ اۋىلشارۋاشىلىعىن كوتەرۋ اسا ماڭىزدى. ەلباسى جولداۋىندا اگروونەركاسىپ كەشەنىن جاڭا تەحنولوگيالىق دەڭگەيگە كوتەرۋ كەرەكتىگىن مىندەتتەدى. بۇل – اۋىل شارۋاشىلىعىندا ەڭبەك ونىمدىلىگى مەن وڭدەلگەن ءونىم ەكسپورتىن تۇبەگەيلى ارتتىرۋعا جول اشادى»,- دەدى سەناتور.
جامبىل وبلىسىنىڭ اكىمى اسقار مىرزاحمەتوۆ سەناتورلارعا اۋىل شارۋاشىلىعى, ونەركاسىپ پەن كاسىپكەرلىك سالاسىن دامىتۋدىڭ جول كارتاسى ازىرلەنگەندىگى, قوردالانعان پروبلەمالاردى شەشۋ ءۇشىن ونىڭ ارنايى تەتىگى دايىندالعاندىعى جونىندە ماعلۇمات بەردى.
سونداي-اق, سەناتىنىڭ توراعاسىنىڭ ورىنباسارى جامبىل وبلىسى ىشكى ىستەر دەپارتامەنتىنە بارىپ, جەدەل باسقارۋ ورتالىعىنىڭ جۇمىسىن كوردى, قىزمەتكەرلەرىمەن كەزدەسۋ وتكىزدى, قابىلدانعان زاڭدار تۋرالى اڭگىمەلەدى, قاتىسۋشىلاردىڭ سۇراقتارىنا جاۋاپ بەرەدى. ءوز كەزەگىندە, ىشكى ىستەر دەپارتامەنتىنىڭ قىزمەتكەرلەرى اعىمداعى زاڭنامانى جەتىلدىرۋگە قاتىستى ءوز ۇسىنىستارىن ورتاعا سالدى. «كوتەرىلگەن ماسەلەلەردە نازارعا الارلىق نەگىز بار, ءبىز زاڭنامالاردى دايىنداۋ بارىسىندا بۇل ۇسىنىستارىڭىزدى جان-جاقتى زەردەلەيتىن بولامىز بولامىز» دەپ اتاپ ءوتتى بەكتاس بەكنازاروۆ.
