ميسسيانىڭ ۇيىمداستىرۋشىلارى رەتىندە قر ينۆەستيتسيا جانە دامۋ مينيسترلىگى, دۋبايداعى قازاقستاننىڭ ەلشىلىگى, «اتامەكەن» ۇكپ, قازاقستاننىڭ سىرتى ساۋدا پالاتاسى اتسالىستى.
ماشينا جاساۋ, قۇرىلىس, جەڭىل جانە تاماق ونەركاسىبى سالاسىنداعى ءىرى 12 تاۋار وندىرۋشىلەرىنەن قۇرالعان قازاقستاندىق دەلەگاتسيانى دۋباي مەن سولتۇستىك امىرلىكتەردەگى قر ەلشىسى ماديار مەڭىلبەكوۆ باسقاردى.
ءباا تاراپىنان مۇناي جانە گاز, قۇرىلىس سالاسىنداعى 40-تان استام كاسىپورىن, ليزينگتىك جانە جەكە كولىك كومپانيالارى, بىرقاتار ساۋدا جەلىلەرى قاتىستى. سەرىكتەستەر بالدى, ەتتى, مەتالل قۇراستىرىلىمدى, مۇناي دايىنداۋعا ارنالعان قۇرال-جابدىقتاردى, گاز جانە سۋدى, سونداي-اق, قازاقستاندىق ونىمدەردىڭ باسقا دا تاۋارلارىن يمپورتتاۋعا قىزىعۋشىلىق تانىتاتىنىن ءبىلدىردى.
اسىرەسە, پەتروپاۆل مەتالل قۇراستىرىلىمى زاۋىتى مەن ەكسپو-2020 وكىلدەرى اراسىندا كەلىسسوزدەر ءساتتى اياقتالدى. «گمموس قازاقستان» جشس, «توپان» جشس, «اقتوبە مۇناي جابدىقتارى زاۋىتى» اق-نىڭ قىزمەتكەرلەرى ءىرى Dragon oil مۇناي كومپانياسىنىڭ وكىلدەرىمەن كەزدەستى. «Green Shop», «Sun Bee Altai», «دك Premium» جانە قازاق تاعامتانۋ اكادەمياسىنىڭ قاراماعىنداعى ۇلتتىق «SHARMAN» پايدالى تاعام ورتالىعىنىڭ وكىلدەرى بىرىككەن اراب امىرلىكتەرىنىڭ «Carrefour», «Lulu» جانە «Union Coop» سىندى ءىرى ساۋدا جەلىلەرىنە باردى.
