تاراپتار ەكىجاقتى ساياسي, ەكونوميكالىق جانە مادەني-گۋمانيتارلىق ىنتىماقتاستىقتىڭ ماسەلەلەرىن تالقىلاپ, ناقتى شارالار بويىنشا پىكىر الماستى.
ەلشى قازاقستان مەن بەلگيانىڭ, ونىڭ ىشىندە ۆاللونيامەن نىعايىپ كەلە جاتقان ەكونوميكالىق قارىم-قاتىناستاردى اتاپ ءوتتى. بۇل مانماتىندە, ۆاللونيا ەكسپورت جانە ينۆەستيتسيا جونىندەگى اگەنتتىگىنىڭ (AWEX) قازاقستانعا ۇيىمداستىرىپ تۇراتىن بيزنەس-ميسسيالارى ءۇشىن العىس ايتتى. سونىمەن قاتار, ا. قۇسپان ەكونوميكالىق قارىم-قاتىناستاردى ودان ءارى دامىتۋ ماقساتىندا, ايماقتىڭ تەحنولوگيالىق كلاستەرلەرىمەن, عىلىمي ورتالىقتارىمەن, ينۆەستيتسيالىق قورلارىمەن بايلانىستى جانداندىرۋعا نيەتتى ەكەندىگىن جەتكىزدى.
ا. قۇسپان «استانا» حالىقارالىق قارجى ورتالىعى, حالىقارالىق جاسىل تەحنولوگيالار مەن ينۆەستيتسيالىق جوبالار ورتالىعى تۋرالى اقپارات بەرىپ, ۆاللونيا كومپانيالارىن ولاردىڭ جۇمىسىنا قاتىسۋعا شاقىردى.
ءوز كەزەگىندە, ۆ. بورسۋ ايماقتىق ۇكىمەت ءوز جۇمىسىندا نەگىزگى باسىمدىقتى ەكونوميكالىق جانە ينۆەستيتسيالىق قارىم-قاتىناستاردى ۇلعايتۋعا اۋداراتىنىن ايتىپ, قازاقستانمەن فارماتسەۆتيكا, اۋىل شارۋاشىلىعى جانە ەنەرگەتيكا سالالارىنداعى ىنتىماقتاستىق ۇلكەن الەۋەتكە يە ەكەندىگىنە نازار اۋداردى. مينيستر-پرەزيدەنت قازاقستاندىق تاراپتىڭ ەكونوميكالىق ىنتىماقتاستىقتى ارتتىرۋ ۇسىنىسىن قۇپتايتىنىن مالىمدەدى.
كەزدەسۋ بارىسىندا مادەنيەت, سپورت جانە عىلىم سالاسىنداعى, سونداي-اق قالالار اراسىنداعى بايلانىستاردى جانداندىرۋ ماڭىزدىلىعى اتالىپ ءوتىلدى. ۆ. بورسۋ بىرلەسكەن مادەني شارالار ۇيىمداستىرۋ مۇمكىندىگىن قولدايتىنىن مالىمدەدى.
بەلگيانىڭ فەدەراتيۆتىك قۇرىلىمىنا سايكەس, ۆاللونيا ايماعى – فلاندريا جانە بريۋسسەلمەن قاتار ەلدىڭ سۋبەكتى بولىپ تابىلادى. ايماقتار ەكونوميكا, ينۆەستيتسيادان باستاپ الەۋمەتتىك قامتاماسىز ەتۋگە دەيىنگى ماسەلەلەردە دەربەس ساياسات جۇرگىزۋگە وكىلەتتى.
