شىعىس قازاقستان وبلىسىندا 22 تامىز كۇنى بىرقاتار ايماقتاردا نايزاعاي ويناپ, وڭتۇستىك-باتىستان, باتىستان جىلدامدىعى سەكۋندىنا 15-20 مەترگە جەتەتىن جەل سوعۋى ىقتيمال. جەلدىڭ ەكپىنى 25 م/س شاماسىندا بولادى. كۇندىز كەي جەرلەردە بۇرشاق جاۋىپ, داۋىل كوتەرىلۋى مۇمكىن. وسكەمەن قالاسىندا 22 تامىزدا نايزاعاي ويناپ, وڭتۇستىك-باتىستان, باتىستان ەكپىنى 15-20 مەترگە جەتەتىن جەل سوعادى.
باتىس قازاقستان وبلىسىندا 22 تامىز كۇنى كەي جەرلەردە وڭتۇستىك-باتىستان, باتىستان سوققان جەلدىڭ جىلدامدىعى 15-20 مەترگە دەيىن كۇشەيۋى مۇمكىن. باتىس قازاقستان وبلىسىندا 23 تامىزدا كەي جەرلەردە نايزاعاي جارقىلداپ, سولتۇستىك-باتىستان جىلدامدىعى سەكۋندىنا 15-20 مەترگە جەتەتىن جەل سوعادى. ورال قالاسىندا 22 تامىز كۇنى وڭتۇستىك-باتىستان, باتىستان سوققان جەلدىڭ ەكپىنى 18 م/س-قا جەتەدى. 23 تامىز كۇنى نايزاعاي ءتۇسىپ, سولتۇستىك-باتىستان, سولتۇستىكتەن ەكپىنى 18 م/س-قا جەتەتىن جەل سوعادى.
داۋىل تۇرۋ ىقتيمالدىعى 95-98%. سولتۇستىك قازاقستان وبلىسىندا 22 تامىزدا تۇندە سولتۇستىك-باتىستان سوققان جەلدىڭ جىلدامدىعى 15-20 مەترگە دەيىن كۇشەيەدى, كەي جەرلەردە جەلدىڭ ەكپىنى 25 م/س جەتەدى دەپ كۇتىلۋدە. وبلىستىڭ بىرقاتار ايماقتارىندا نايزاعاي ويناپ, تۇمان تۇسەدى, داۋىل تۇرۋى ىقتيمال. كۇندىز كەي جەرلەردە بۇرشاق جاۋى مۇمكىن. پەتروپاۆل قالاسىندا 22 تامىزدا تۇندە سولتۇستىك-باتىستان سوققان جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى. جاڭبىر جاۋىپ, نايزاعاي وينايدى. سونداي-اق, تۇمان ءتۇسىپ, داۋىل تۇرۋى ىقتيمال.
