وسى جوبا ارقىلى قازاقستان حالقىنىڭ تسيفرلى جۇيە بويىنشا ءبىلىمىن ارتتىرۋ قاجەتتىگى دە تۋىنداپ وتىر. جۋىردا وسىعان وراي سەمەي قالاسىندا سەمينار ءوتتى. ۇيىمداستىرۋشىلاردىڭ ايتۋىنشا, قالا تۇرعىندارىن ينتەرنەت ارقىلى مەملەكەتتىك قىزمەت تۇرلەرىنە تاپسىرىس بەرۋ ماسەلەسى قىزىقتىرعاندىقتان, وسى سالانى مەڭگەرۋ سەميناردىڭ سوڭعى كۇنىنە ورايلاستىرىلىپتى.
قالا اكىمى اپپاراتىنىڭ وكىلى, سەميناردى ۇيىمداستىرۋشىلاردىڭ ءبىرى ايدانا ەرمۇراتقىزىنىڭ ايتۋىنشا, سەمينارعا قاراپايىم تۇرعىندار قاتىسىپ وتىرعاندىقتان ءدارىس تۇرىندە ەمەس, سۇراق-جاۋاپ تۇرىندە وتكىزۋدى ءجون ساناعان. ياعني الدىمەن تاقىرىپتى ءتۇسىندىرىپ العان سوڭ, جۇرتشىلىقتىڭ ساۋالدارىنا نازار سالىنادى. وسى جەردە ءبىر-ەكى كومپيۋتەر دە بار ەكەن. سول ارقىلى جۇمىس ىستەپ كورۋگە دە بولادى. ماسەلەن, حقكو ماماندارى ەلەكتروندى قىزمەت ۇلگىلەرىن, «قازپوشتا» اق-ى وكىلدەرى ەلەكتروندى ساۋدا-ساتتىقتى, ال سەمەي قالالىق اكىمدىگىنىڭ مەملەكەتتىك قىزمەتكەرلەرى «اشىق ۇكىمەت» تاقىرىبىندا سەمينارلار جۇرگىزدى. تۇرعىندار بارلىعىن زور ىنتامەن تىڭداپ, سەمينارعا ءبىر كىسىدەي اتسالىستى.
راۋشان نۇعمانبەك, جۋرناليست
سەمەي
