باستاماسىندا حالىقارالىق تاجىريبەنى باسشىلىققا العان سپورتشى ۇزاق قاشىقتىقتاردى باعىندىرۋدى ءوزىنىڭ باستى ۇستانىمى سانايدى. «7 كۇن ىشىندە Ironman فورماتىنىڭ جارتىسى 7 ديستانتسياسىن جاساۋعا ۋادە بەرەمىن ء(جۇزۋ – 1,9, ۆەلوجارىس – 90, جۇگىرۋ – 21,1 شاقىرىم). بۇل سپورتتىق باعدارلامانى ورىنداۋعا جارتى كۇنىمدى ارنايمىن. ال بىزدەر بالالاردى مەكتەپكە جۇمىلا بىرگە دايىندايمىز دەگەن سەنىمدەمىن» دەگەن ويىمەن بولىسكەن س.لەۆادني مۇگەدەك بالالاردىڭ جاقسى وقۋى ءۇشىن مەكتەپتە دە, ۇيدە دە جاعداي جاسالۋى كەرەكتىگىن ايتادى.
سپورتشى ءوزىنىڭ قايىرىمدىلىق باستاماسىمەن مۇمكىندىكتەرى شەكتەۋلى بالالاردىڭ جاعدايىنا قالىڭ كوپشىلىكتىڭ نازارىن اۋدارۋدى ماقسات ەتەدى.
– 7 كۇن ىشىندە Ironman فورماتىنىڭ جارتىسى 7 ديستانتسياسىن ورىنداۋ – اسا كۇردەلى مەجە. بۇعان كەز كەلگەن سپورتشى بارا بەرمەيدى. بىراق مەن سەرگەيدى جىگەرلى, رۋحى مىقتى ترياتلەت رەتىندە جاقسى بىلەمىن. فيزيكالىق دايىندىعى وتە جاقسى, سوندىقتان دا, ونىڭ قولىنان بۇل ءىس كەلەدى دەپ سەنەمىن!, – دەگەن پىكىردە بەلگىلى قازاقستاندىق Ironman, ترياتلونشى ءارى باپكەر ماكسيم مازۋر.
«سپەشيال وليمپيكس» قب فيليالىنىڭ ديرەكتورى گالينا يلينانىڭ ايتۋىنشا, سەرگەيدىڭ باستاماسىنا قولداۋ بىلدىرە وتىرىپ, كومەككە مۇقتاج بالالاردىڭ ءتىزىمى جاسالعان. بۇگىندە مۇگەدەكتىك جاردەماقىنى كوپتەگەن اتا-انا ناۋقاس بالاسىنىڭ كۇتىمى مەن باسقا دا اسا قاجەتتى بۇيىمدارىنا جەتكىزە المايتىنى انىق. سوندىقتان دا ءتىزىم جاسالىپ, بالالارعا قانداي مەكتەپ بۇيىمدارى قاجەتتىگى انىقتالعان. 29 تامىزدا قايىرىمدىلىق ماقساتتا جينالعان قاجەتتى بۇيىمدار بالالارعا ۇلەستىرىلەتىن بولادى. سەرگەي لەۆادني وتكەن جىلى 48 بالاعا وسىنداي كومەك جاساعان.
اكادەميك ش. ەسەنوۆ اتىنداعى عىلىمي-ءبىلىم بەرۋ قورىنىڭ Komanda SOS ەرىكتىلەردى ۇيلەستىرۋ ورتالىعى سەرگەيدى سپورتتىق كيىمدەرمەن قامتىپ, ۇيىمداستىرۋعا قولداۋ كورسەتسە, الماتى ترياتلون فەدەراتسياسى (اتف) اكتسياعا تەحنيكالىق جاعىنان قولداۋ كورسەتىپ, تورەشىلىك باقىلاۋ جۇرگىزەدى.
ۇيىمداستىرۋشىلار بالالار ومىرىنە بەي-جاي قارامايتىن قالانىڭ كەز كەلگەن تۇرعىنى نەمەسە قوناعى مەكتەپكە دايىنداۋ شاراسىنا بەلسەنە اتسالىسادى دەگەن سەنىمدە. الماتى قالاسىندا تومەندەگى تەلەفون ارقىلى Komanda SOS قىزمەتكەرلەرىمەن بايلانىسۋعا بولادى: +7 727 346 92 88.
ەلۆيرا سەرىكقىزى,
«ەگەمەن قازاقستان»
الماتى
