كوشباسشىنىڭ كورەگەندىگى

جاقسىعا قاشاندا جان سۇيسىنەدى. وسىنداي كيەلى تاۋەلسىزدىكتىڭ ۇلى تويى استانا قالاسىندا بار­لىق ءسان-سالتاناتىمەن اتالىپ ءوتتى. ەل تاۋەل­سىز­دىگىنىڭ مەرەيىنە ارنالعان سالتاناتتا قازاقستان رەسپۋبليكاسىنىڭ پرەزيدەنتى – ۇلت كوشباسشىسى نۇرسۇلتان نازارباەۆتىڭ ءسوزى وتانداستارىمىزدىڭ كوڭىلىنەن شىقتى. تەبىرەنتتى, الداعى كۇندەرىنە جول سىلتەدى. مەملەكەت باسشىسى حالقىمىزدىڭ ازاتتىق رۋحىن تەرەڭ سەزىنگەنى مەن وتكەن ءومىر بەلەستەرىندە باستان كەشكەن تاعدىر تەپەرىشتەرىن جەڭگەنىن دە ەرەكشە ىقىلاسپەن ورتاعا سالدى. جۇيەلى ءسوز يەسىن تاۋىپ, قولداۋعا ۇلاستى. قاي زاماندا دا ادام ارمانسىز بولعان ەمەس. ال, كەڭ-پەيىل قازاق حالقىنىڭ اسىل ارمانى ەركىندىك, ازاتتىق, تەڭدىك بولعانىن كەڭ-بايتاق دالانى باسقىنشى جاۋدان قورعاعان ءباھادۇر بابالاردىڭ ەرلىكتەرى ارقىلى كوز جەتكىزىپ كەلەمىز. جالپى العاندا وتكەن جيىرما جىلدا جۇزدەگەن جىلدارعا تاتىرلىق جۇمىس جاسالدى. ءبىر عانا ارقا توسىندەگى اسەم استانانىڭ ءسان سالتاناتى دوستى ءسۇيىندىرىپ, دۇشپاندى كۇيىندىرەتىندەي ەكەنىن كورىپ كەلەمىز. ەلباسىنىڭ سوزىندە ەلىمىزدەگى قوعام دامۋىنىڭ بارلىق سالاسى قامتىلدى. سونىمەن قاتار, وتكەن جىلدارى دەنساۋلىق ساقتاۋ جۇيەسى تۇبەگەيلى وزگەرگەنى دە اڭگىمەنىڭ ارقاۋىنا اي­نالدى. ادامنىڭ دەنىنىڭ ساۋ بولۋى ەلىمىزدەگى الەۋمەتتىك ەكونوميكالىق جاعدايعا تىكەلەي بايلانىستى ەكەنىن جاسىرمايمىز. بۇل جاعىنان العاندا ەلىمىزدە اۋىل شارۋا­شىلىعى مەن يندۋستريىلىق ساياساتتىڭ جان-جاقتى دامۋى ناتيجەسىندە ازىق-ت ۇلىك مولشىلىعىن جاساۋدىڭ العىشارتتارى قالاندى. ساپاسىنا كوڭىل بولىنگەنى قۋانتادى. مەملەكەتتىك تۇرعىن ءۇي باعدارلاماسىمەن از قام­تىلعان وتباسىلارى, بيۋدجەتتىك مەكەمە قىزمەت­كەرلەرى, دارىگەرلەر مەن مۇعالىمدەر باسپانامەن قامتىلدى. جەتىسۋ وڭىرىندە بار سانالى عۇمىرىمدى دەن­ساۋ­لىق ساقتاۋ سالاسىندا قاتارداعى دارىگەردەن, باسشى قىزمەتتەرگە دەيىن كوتەرىلىپ, حالىقتىڭ دەنىنىڭ ساۋ بولۋىنا ۇلەس قوسقانىمدى ماقتان ەتەمىن. وسى ەڭ­بە­گىم ەسكەرۋسىز قالعان ەمەس. تاۋەلسىزدىگىمىزدىڭ 20 جىلدىعى قارساڭىندا ەلباسىنىڭ جارلىعىمەن «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعىنا يە بولدىم. ارينە, مۇنداي سەنىم ارداگەر بولسام دا سالانى دامىتۋعا, جاستاردى كاسىبي تۇر­عى­دان دايارلاۋعا ۇلەس قوسۋىمدى تالاپ ەتەتىنىن تۇسىنەمىن. ەلباسى: «دەنساۋلىق ساقتاۋدىڭ مەديتسينالىق تەح^­نولوگيالارى مەن ينفراقۇرىلىمىن دامىتا وتى­رىپ, ءبىز قازاقستاندىقتاردىڭ ءومىر ءسۇرۋ جاسىن ۇزارتاتىن بولامىز», دەگەنى ارينە, حالىققا دەگەن جاناشىر كوزقاراستى بىلدىرسە كەرەك. سونىمەن قاتار, انا مەن نارەستە ءولىمىن تومەندەتۋ, بالا تۋدى ىنتالاندىرۋ شارالارى قاراستىرىلعانى ايتىلدى. وسىنىڭ ءبارى قازاقستاندىقتاردىڭ ەرتەڭگە دەگەن سەنىمىن, ەڭبەككە دەگەن قۇلشىنىسىن ارتتىراتىنى انىق. ەڭبەكتىڭ قاي كەزدە دە قايتارىمى بولادى. ءناتي­جەسىندە وتانىمىز گۇلدەنىپ, الداعى اسۋلار بيىكتەي تۇسەتىنى اقيقات. ەلباسىنىڭ «100 مەكتەپ, 100 اۋرۋحانا» باعدار­لا­­ماسىمەن تالدىقورعان, تالعار, قاسكەلەڭ, ەسىك, وتەگەن باتىر جانە جاركەنت, تاعى باسقا قالالار مەن اۋدانداردا كوپ سالالى اۋرۋحانالار مەن ەمحانالار پايدالانۋعا بەرىلدى. دارىگەرلىك قوسىندار كۇردەلى جوندەۋدەن وتسە, كەيبىر ەلدى مەكەندەردە جاڭالارى سالىندى. جوعارى ءبىلىمدى دارىگەرلەردىڭ جەتىسپەۋشىلىگى ەسكەرىلىپ, وبلىس اكىمىنىڭ گرانتىمەن جاستار وسى ماماندىققا وقىتىلۋدا. جاس دارىگەرلەر مۇمكىن­دى­گىنشە باسپانامەن قامتىلعان. وسىنىڭ ءبارى مەملەكەت باسشىسىنىڭ سالانى دامىتۋداعى قامقور­لى­عى ەكەنى داۋسىز. جانە حالىقتىڭ دەنساۋلىعىن جاقسارتىپ, ءومىر ءسۇرۋ مەرزىمىن ۇزارتۋدىڭ العى-شارتى دەسەك تە بولادى. بىزگە قاجەتتىسى ىنتىماق پەن بىرلىك. وسى قۇن­دى­لىقتاردى بەرىك ۇستاپ, ساقتاعاندا عانا باقى­تى­مىز باياندى بولادى. تاعى ءبىر ايتارىم, جاڭا عا­سىر­دا تۋعان وتانىمىزدىڭ جەدەل دامۋى مەن ءور­كەن­دەۋىنە ەل تىزگىنىن ۇستايتىن جاستاردىڭ قوساتىن ۇلەسى زور ەكەندىگى. دەمەك, اتا-بابادان مۇرا بولعان جەرىمىزدە كوك تۋىمىزدى جەلبىرەتىپ, ءانۇرانى­مىز­دى شىرقاتساق, بۇدان اسقان ابىروي بولماق ەمەس. كوشباسشىنىڭ كورەگەندىك سوزىنە ۇيىپ, ونى باسشىلىققا العاندا عانا اداسپايتىنىمىز انىق. مۇنى جاسى جەتپىستەن اسقان, كوپتى كورگەن قاريا رەتىندە ايتىپ وتىرمىن. راحىمباي كوشەنوۆ, كوپ سالالى كلينيكالىق اۋرۋحانانىڭ كەڭەسشىسى. الماتى وبلىسى.