ازاماتتىق تانىتايىق

2011 جىلى 16 جەلتوقساندا بول­عان جاڭاوزەن وقيعاسى – قازاق­ستان رەسپۋبليكاسى تاۋەلسىزدىگىنىڭ 20 جىلدىق تاريحىنىڭ سوڭعى بەتتەرىنە داق ءتۇسىردى. وكىنىشتى, ارينە... ادام شىعىنى بار. ايماقتى شار­­­پىعان بەي-بەرەكەتسىزدىك پەن ءتار­­تىپسىزدىك كورىنىستەرى العاشقى كۇن­­نەن-اق بۇقارالىق اقپارات قۇرال­دارى مەن تەلەديدار ارقىلى بەرىلدى. وسى ماسەلەگە وراي ەلبا­سى­نىڭ حا­لىققا ۇندەۋى جاريالاندى, قوعام جانە مەملەكەت قايرات­كەر­لەرى, جاستار پىكىرلەرىمەن ءبولىستى. ولار حا­لىق­­تى سابىرلىلىققا شا­قى­رىپ, ءسۇت­تەي ۇيىعان ەلىمىزدىڭ تىنىش­تى­عىن بۇزۋعا تىرىسقان جىمىسقى كۇش­­تەردىڭ ىقپالىنا تۇسپەۋگە ۇندەدى. سىرت ەلدەرگە وسىدان 20 جىل بۇ­رىن «قازاق جەرىندە ۇلتتىق مەم­لەكەت قۇرۋ ءوز شەشىمىن تۇڭ­عىش رەت تاپتى» دەپ, ەڭسەمىزدى كوتەرىپ ماق­تا­نا كوتەرىلگەن ساتتە قازاقتىڭ تۇ­تاس­تىعىنا سىزات ءتۇسىرۋ – ەلدىگىمىزگە سىن. «الاش» – ەجەلگى تۇركى ءسوزى. «باۋىرلاستار», «قانداستار», «تۋىس­تار» ماعىناسىن بەرەدى. بۇل ۇعىم كونە زاماندا, تۇركى حالىقتارى ءبو­لى­نە قويماعان قاۋىم كەزىندە دۇنيەگە كەلگەن. «الاش» نەمەسە «قازاق» اتاۋىنىڭ ەۋرازيا كەڭىستىگىندەگى تۇركىتىلدەس حالىقتاردىڭ جادىندا ەتنوالەۋمەتتىك جارالىم تۇرعى­سىن­دا ورنىعىپ, وسى اتاۋ العاش رەت ەتنونيمدىك مانىندە قازاقستاننىڭ باتىس وڭىرىندە قولدانىلعانى تۋرا­لى تاريحي تۇجىرىمدار بار. ماڭعىستاۋ وبلىسى – ءۇش ءجۇز­دەن استام اۋليە بابالارىمىزدىڭ كيەلى مەكەنى.  قازاقتىڭ جەراستى باي­لىعى – مۇنايىمىز قوردال­ان­عان جەر. قازاق جەرىنىڭ استى مەن ۇستىنە تو­لى تابيعي بايلىق ۇلان-عايىر جەردەگى ازعانتاي قازاققا جەتەدى. تاۋبە!  قاناعاتشىل بولايىق, اعايىن! 16 جەلتوقساندا بولعان جاڭا­وزەن وقيعاسى – «ساياسي مادە­نيە­ت­سىزدىك» كورىنىسى بولدى. بۇگىنگى بەي­­بىت زاماندا وزگە ەمەس, ءوزى­مىز­دى ءوزىمىز اشكەرەلەپ, سىرتقى ساياساتتا ەلدىڭ بەدەلىن ءتۇسىرۋ – «قانى قازاققا» جات قىلىق. بىزدەر, تاۋەلسىزدىك تاريحىن زەرت­تەۋشى عالىمدار,  جاڭاوزەندىك باۋىرلارىمىزدى عاسىرلار بويى اتا-بابامىز ارمانداعان تاۋەل­سىز­دىكتىڭ قۇنىن تۇسىرمەۋگە جانە ەلىمىزدە قالىپتاسقان جاعدايدا ازاماتتىق تانىتۋعا شاقىرامىز! قازاق قوعامىن قۇراۋشى ءاربىر ازامات تاۋەلسىزدىك جىلدارى ءدۇ­نيە­گە كەلگەن ۇرپاقتىڭ جارقىن بو­لاشاعى ءۇشىن بىرگە قىزمەت ەتەيىك! مەملەكەت تاريحى ينستيتۋتىنىڭ جەتەكشى تاريحشى-عالىمدارى: ب.اياعان, ج.قىدىرالينا, ا.قاشقىمباەۆ,  ج.قاليەۆ,  س.دۇيسەن, م.انافينوۆا, ا.عابدۋللينا. استانا.