رۋحاني ماسەلەلەرگە دەن قويۋدا

«رۋحانيات» پارتياسىنىڭ اتىنان دە­پۋتاتتىققا كانديدات, تانىمال رەجيسسەر ەركىن راقىشەۆ ءوزىنىڭ سايلاۋالدى ۇگىت-ناسيحاتىن وزگەشە قادامنان باستادى. جۋىر­دا عانا «ايشا» اتتى جەتى سەريالى جاڭا تۋىندىسىمەن ۇلتتىق كينو كەڭىستىگىنە جىلت ەتكەن ساۋلە تۇسىرگەن رەجيسسەر الماتى قالاسىنداعى №1 بالالار ۇيىندە قايىرىمدىلىق شاراسىن وتكىزدى. «قازاقفيلم» ستۋدياسىمەن بىرلەسىپ تۇسىرگەن «ايشا» ءفيلمى قاراپايىم دا قىزىقتى سيۋجەت ارقىلى ۇلتتىق قۇندى­لىقتاردى قاستەرلەپ, كوزدىڭ قاراشىعىنداي ساقتاۋعا, وسكەلەڭ ۇرپاق بويىندا ۇلتتىق-پاتريوتتىق سەزىمدى قالىپتاستىرىپ, قورشاعان ورتانى سىيلاۋعا, قوعامعا تيتتەي دە بولسا پايدالى ۇلەس قوسۋعا ۇندەيدى. وسى پارتيادان دەپۋتاتتىققا كانديدات قايرات بوداۋحان جاڭاوزەن وقيعاسى بوي­ىن­شا قۇرىلعان ۇكىمەتتىك كوميسسيا توراعاسى ومىرزاق شوكەەۆكە ارناعان مالىمدەمە جاسادى. وندا ۇمىتكەر «...وقيعاعا كىنالى ورال­ماندار, سوندىقتان ولاردى باسقا ولكەلەرگە كوشىرۋ كەرەك...» دەپ مالىمدەۋىڭىز مەملەكەت پەن ۇلتتىڭ ابىرويىنا ۇلكەن سىن بولدى دەپ ەسەپتەيمىز. كوشى-قون, ورالماندار ماسەلەسى مەملەكەتتىك ستراتەگيا رەتىندە اركەز ەل سايا­سا­تىنان ۇمىت قالعان ەمەس. الايدا, اتقارۋشى بيلىكتىڭ قىرسىزدىعى مەن ورالمانداردىڭ ساياسي, قۇقىقتىق شەكتەۋلىگى كوپ تاۋقىمەت­تىڭ دەر كەزىندە شەشىلۋىنە مۇمكىندىك بەرمەدى, سول سەبەپتەن قوعامداعى ءالسىز توپقا ورالمانداردىڭ ءبىر بولىگى قوسىلدى. ءسىزدىڭ كوميسسيا توراعاسى رەتىندە جاڭا­وزەن وقيعاسىنا ورالمانداردىڭ قاتىس­تى­لىعىنا قاتىستى وبەكتيۆتى باعا بەرۋىڭىزدى سۇرايمىز», دەلىنگەن مالىمدەمەدە. ەندى اتالعان پارتيانىڭ تۇعىرناماسىنا قىسقاشا توقتالاتىن بولساق, وندا رۋحانياتتىقتار ەل ەكونوميكاسىن كوتەرۋدى, الەۋمەتتىك ماسەلەلەردى شەشۋدى, بيىك ادامگەرشىلىكتى جانە رۋحاني جاعىنان تولىسقان قوعام قالىپتاستىرۋدى وزدەرىنىڭ باستى باعدارلارى ەتىپ العان. پارتيانىڭ كەزەكتەن تىس وتكەن VIII سەزىندە پارتيا توراعاسى سەرىكجان مامبەتالين «رۋحانيات» پارتيا­سىنىڭ جارعىسىنا وزگەرىس ەنگىزىلگەنىن ايتا كەلىپ, پارتيا ۇسىنعان كانديداتتاردىڭ بارلىعى دەرلىك جوعارى ءبىلىمدى, ساياساتتان حابارى بار, كوزى اشىق ادامدار ەكەنىن العا تارتقان بولاتىن. بۇل ءسوزدىڭ شىندىققا سايكەسەتىنىنە ەشكىم داۋ ايتا قويماس. قانات ەسكەندىر. الماتى.