الەۋمەتتىك ماسەلەلەردى شەشۋگە مۇددەلىلىك

كەشە 15 قاڭتاردا وتە­تىن پارلامەنت ءماجىلىسى ساي­لاۋى الدىنداعى ۇگىت-ناسي­حات شارالارىنا وراي, «ءادى­لەت» دەموكراتيالىق پار­تيا­سىنىڭ ليدەرى ماق­سۇت ءنا­رىكباەۆ جامبىل وب­لى­سىندا بولدى. وبلىسقا سا­پا­رى كەزىندە پارتيا جەتەكشىسى جۋرناليستەرمەن كەز­دەسىپ, ءباسپاسوز ءماسلي­حا­تىن وتكىزدى. ءباسپاسوز-ءماس­ليحاتى كەزىندە بىرقاتار وزەكتى ءما­سە­لەلەر تالقى­لان­دى. سو­لار­دىڭ ىشىندە ماق­سۇت ءنا­رىك­باەۆ ءبىرىنشى كەزەكتە, ورال­ماندارعا قاتىس­تى ءما­سە­لەلەرگە ايرىقشا نازار اۋدارىپ, قۇجاتتاردى ءراسىم­دەۋ مەن ازاماتتىق الۋعا, با­لالار جاردەم­اقى­سىنا باي­لانىستى شەشىلمەي جاتقان پروبلەمالاردىڭ ءتۇيىنىن تەز ارادا تارقاتۋعا قاجەتتى اتقارىلۋعا ءتيىستى شا­رالارعا وراي ءوز ۇسى­نىسىن جەتكىزدى. جۋرناليستەرمەن كەزدەسكەننەن كەيىن م.نارىكباەۆ قاپيادا كوز جۇمعان, قايتىس بول­عاننان كەيىن «حالىق قاھارمانى» اتاعىنا لايىق دەپ تابىلعان كاپيتان عازيز بايتاسوۆتىڭ وتباسىمەن ءجۇز­دەسىپ, ونىڭ تۋعان-تۋىس­قان­دارى مەن جاقىندارىنا كوڭىل ايتتى. پارتيا جەتەكشىسى ءوزىنىڭ شىنايى قۇرمەتى رەتىندە قازا بولعان كاپي­تا­ن­نىڭ بالالارىنا ۋنيۆەرسيتەتتە تەگىن ءبىلىم الۋعا ءمۇم­كىندىك بەرەتىن ارنايى سەر­تي­فيكاتتاردى تابىس ەتتى. سون­داي-اق, ول بۇل رەتتە قۇقىق قورعاۋ ورگاندارى قىز­مەت­كەر­لەرى مەن اسكەري ازامات­تار­دىڭ الەۋمەتتىك جاعىنان قورعالۋىن قامتاماسىز ەتۋدى كۇشەيتۋ ماسەلەسىن كوتەردى. بۇل كۇنى قالالىق مادە­نيەت ۇيىندەگى سايلاۋشى­لار­مەن وتكەن كەزدەسۋىندە ماق­سۇت نارىكباەۆ حالىقتى «ءادى­لەت» پارتياسىنىڭ ساي­لاۋ­الدى تۇعىرناماسىنداعى نەگىزگى ەرەجە-قاعيدالارىمەن تانىستىردى. ءوزىنىڭ سوزىندە ول پارتيانىڭ قوعامداعى ءوت­كىر جانە ماڭىزدى ماسەلە­لەردى شەشۋگە مۇددەلىلىك تانىتىپ وتىرعانىنا توق­تال­دى. سونداي-اق, ول بۇگىنگى تاڭدا جاستاردىڭ جۇمىسپەن قامتىلۋ ماسەلەسىنىڭ كۇن تارتىبىندە تۇرعاندىعىن, سول سەبەپتى, جوعارى وقۋ ورىن­دارىن جاڭا بىتىرگەن, الايدا جۇمىس ىستەۋ تاجىريبەسى جوق جاستارعا ءتيىستى كۆوتا ءبولىنۋى قاجەتتىگىن جەتكىزدى. م.نارىكباەۆتىڭ ايتۋىن­شا, پارلامەنت ماجىلىسىنە سايلانعان جاعدايدا ولار كەڭ كولەمدى كونستيتۋتسيا­لىق رەفورمالار جۇرگىزىپ, زاڭ شىعارۋشى ورگاننىڭ وكى­لەتتىگىن ارتتىرۋعا, ءتاۋ­ەل­سىز سوت جۇيەسىن قالىپ­تاستىرىپ, اتقارۋشى بيلىكتەن تاۋەلسىز وبلىسارالىق, وكرۋگتىك جانە حالىقتىق بەيبىت سوت بيلىگىن, ياعني بيلەر سوتىن ورناتۋعا كۇش سالاتىن كورىنەدى. قازىرگى كەزدە ەلىمىزدە ازا­ماتتاردىڭ ەڭبەك قۇقىن زاڭ جۇزىندە قورعاۋ قاجەت­تىلىگى بوي كورسەتۋدە, دەيدى «ءادى­لەت» پارتياسىنىڭ ءتور­اعاسى. ولاردىڭ ارا­سىن­دا ءتۇر­لى ماماندىق يەلەرى  بار. ءاسى­رە­سە, قارا­پايىم ەڭبەك ادام­دا­رى با­سىم بولىپ تا­بى­لادى. ءبىز­دىڭ پارتيانىڭ ماقساتى – ءاربىر ازاماتتىڭ  زاڭ­دى ءمۇد­دەسى مەن قۇقىن قور­عاپ, ولار­دىڭ لايىقتى ءومىر سۇرۋلەرىنە جاعداي تۋعىزۋ. قازىرگى تاڭدا «ادىلەت» پارتياسى سايلاۋشىلاردىڭ 40 پايىزعا دەيىن داۋىسىن الۋدان ءۇمىتتى ەكەندىكتەرىن جاسىرمايدى. ءلايلا ەدىلقىزى.