ماڭعىستاۋ وبلىستىق اۋىل شارۋاشىلىعى باسقارماسىنىڭ باسشىسى سەرىك قالدىعۇلدىڭ ايتۋىنشا, ونىڭ ىشىندە: اسىل تۇقىمدى مال شارۋاشىلىعى بويىنشا 30 اسىل تۇقىمدى مال شارۋاشىلىعى سۋبەكتىسى تىركەلگەن (2017ج.-30 سۋبەكت). قوي شارۋاشىلىعىندا – 3 شارۋاشىلىق (قوي -10 481 باس), جىلقى شارۋاشىلىعىندا - 17 شارۋاشىلىق (جىلقى 3091 باس), تۇيە شارۋاشىلىعىندا – 8 شارۋاشىلىق (تۇيە -1709 باس) جانە سيىر شارۋاشىلىعىندا – 2 شارۋاشىلىق (سيىر-312 باس) تىركەلگەن. جالپى العاندا وبلىس كولەمىندە اسىل تۇقىمدى مال باسىنىڭ سانى 15 593 باس بولىپ وتىر.
سونداي-اق, قازىرگى تاڭدا وبلىس بويىنشا ءشوپ شابۋ جۇمىستارىمەن 30 بريگادا اينالىسۋدا.
ستاتيستيكالىق مالىمەتكە سايكەس, وسى جىلدىڭ 6 ايىندا - ءىرى قارا مال سانى – 23 410 باس بولىپ 19,1% عا (01.07.2017 - 19 656 باس), قوي-ەشكى – 532 708 باس بولىپ 3,7% عا (2017 جىلى - 513 026 باس), جىلقى – 92 954 باس بولىپ 11,5% عا (2017 جىلى - 83 348 باس), تۇيە – 69 966 باس بولىپ 11,8% عا (2017 جىلى – 62 597 باس) بولىپ, بارلىق مال سانى – 719 038 باستى – 5,6% (2017 جىلى – 678 627 باس) ارتىپ وتىر.
قازاقستان رەسپۋبليكاسىندا اوك دامىتۋدىڭ 2017-2021 جىلدارعا ارنالعان باعدارلاماسىندا, جايىلىمدى سۋلاندىرۋ مەن شالعاي جايىلىمداعى مال شارۋاشىلىعىن دامىتۋعا باسا نازار اۋدارىلعان.
-2017 جىلى 1030 گەكتار جەرگە, ونىڭ ىشىندە تامشىلاتا ادىسىمەن 800 گەكتارعا كوكونىس-باقشا داقىلدارى ەگىلىپ, ودان 15 800 توننا ءونىم الىندى. ال بيىلعى جىلى 1100 گەكتار جەرگە ەگىن ەگىلىپ 16 800 توننا كوكونىس, باقشا ونىمدەرى الىنادى دەپ جوسپارلانعان بولاتىن, الايدا جاڭادان قوسىلعان جىلىجايلار ەسەبىنەن بۇل كورسەتكىشتى 18 000 تونناعا دەيىن جەتكىزۋدى ماقسات ەتىپ وتىرمىز. وبلىستا 2016-2017 جىلدار ارالىعىندا بارلىعى 20 اۋىل شارۋاشىلىعى كووپەراتيۆى قۇرىلدى. قۇرىلعان كووپەراتيۆتەردىڭ باعىتى: 1 شۇبات ءوندىرۋ, 3 مال سويۋ, 14 ەت, شۇبات ءوندىرۋ جانە 2 كوكونىس-باقشا داقىلدارىن ءوندىرۋ. قازىرگى تاڭدا 20 كووپەراتيۆتىڭ 13 جۇمىس جاساپ تۇر, 6 كووپەراتيۆ ءوز جۇمىسىن توقتاتۋدا, دەيدى ماڭعىستاۋ وبلىستىق اۋىل شارۋاشىلىعى باسقارماسىنىڭ باسشىسى سەرىك قالدىعۇل.
رەسپۋبليكا بويىنشا ەگىن شارۋاشىلىعىن تسيفرلاندىرۋ تاپسىرماسىنىڭ ءبىرىنشى كەزەڭى - ونىردەگى ەگىستىك القاپتاردى تسيفرلاندىرۋ بويىنشا (ەلەكتروندىق كارتاسىن قالىپتاستىرۋ) جىل باسىنان بەرى 7 اي ىشىندە وبلىسىمىزدىڭ كارتاعا ەنگىزىلگەن اۋماق - 1160,08 گا (جوسپار – 1100 گا) قۇرادى, ورىندالۋى - 113% جەتتى.
قر ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى اياسىندا شاعىن قالالار مەن اۋىلدىق ەلدى مەكەندەردە كاسىپكەرلىكتى ونىڭ ىشىندە اۋىل شارۋاشىلىعى سالاسىن دامىتۋ ماقساتىندا, 2017 جىلى وبلىسقا 474,0 ملن تەڭگە ءبولىنىپ تولىقتاي يگەرىلگەن بولاتىن. ناتيجەسىندە 130 ادامعا نەسيە بەرىلىپ, شامامەن 219 ادام جۇمىسپەن قامتىلدى.
بيىلعى جىلعا بولىنگەن قارجى – 1 244 ملرد تەڭگەنى قۇراپ, 2017 جىلمەن سالىستىرعاندا - 3 ەسەگە كوبەيىپ وتىر. ەگەر وسى قاراجاتتى تولىق يگەرگەن جاعدايدا, شامامەن 500 ادامعا نەسيە بەرىلىپ, 750 ادام جۇمىسپەن قامتىلادى دەپ كۇتىلۋدە.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
