سىرت الاڭداعى ماتچ ءا دەگەننەن-اق الما-كەزەك شابۋىلمەن باستالدى. ونىسى تۇسىنىكتى ەدى. ەگەر الاڭ يەلەرى جىلدام گول سوعاتىن بولسا, كەلەسى كەزەڭگە ءوتۋ مۇمكىندىكتەرى جوعارىلايدى. ويتكەنى «از الكماار» الماتىدا گول سوققان جوق. ال «قايرات» گول سوعاتىن بولسا, وندا ءبىزدىڭ كوماندا كەلەسى كەزەڭگە جولداما الادى.
دەگەنمەن, ويىنداعى العاشقى گولدى وتانداستارىمىز سوقتى. ءبىرىنشى تايمنىڭ 28-مينۋتىندا قارسىلاس كوماندانىڭ قاقپاشىسى «قايرات» شابۋىلشىسى ادەرسينسولا ەسەولانى ءوز ايىپ الاڭىندا قۇلاتىپ, تورەشى 11 مەترلىك ايىپ دوبىن بەلگىلەدى. ال كوماندا كاپيتانى باۋىرجان يسلامحان بۇل مۇمكىندىكتى ءتيىمدى پايدالانىپ, كومانداسىن العا شىعاردى. ءبىرىنشى تايم بىتۋگە 3 مينۋت قالعاندا الاڭ يەلەرى ەسەپتى تەڭەستىرىپ كەتتى. ەسەپ – 1:1.
ال ەكىنشى تايمنىڭ سوڭىندا «از الكماار» گول سوعىپ, ەسەپتى 2:1-گە جەتكىزگەنىمەن, كەلەسى كەزەڭگە وتە المادى. ويتكەنى, الماتىداعى العاشقى ويىن 2:0 ەسەبىمەن «قايراتتىڭ» پايداسىنا شەشىلگەن ەدى. ەكى ويىن قورىتىندىسى بويىنشا 2:3 ناتيجەسىمەن «قايرات» ءۇشىنشى كەزەڭگە شىقتى. ەندى الماتىنىڭ كومانداسى ەۋروپا ليگاسىنىڭ ءۇشىنشى ىرىكتەۋ كەزەڭىندە چەحيانىڭ «سيگما» كومانداسىمەن كەزدەسەدى.
