سونداي-اق تاراپتار ەكى ەلدىڭ كاسىپكەرلەرى ءۇشىن كىرۋ ۆيزاسىن راسىمدەۋگە ءوزارا جاردەمدەسۋگە كەلىستى, دەپ حابارلادى ەلىمىزدىڭ سىرتقى ساۋدا پالاتاسىنىڭ وكىلدەرى. قازاقستاندىق كومپانيالار تۇرىكمەنستان نارىعىنا ونىمدەرىن وتكىزۋگە كوپتەن بەرى قىزىعۋشىلىق تانىتىپ كەلەدى. اتالعان ساۋدا-ەكونوميكالىق ميسسيا وسى ەلدەگى قازاقستان ەلشىلىگىنىڭ قولداۋىمەن ءوتتى. وعان ماشينا جاساۋ, قۇرىلىس, فارماتسەۆتيكا جانە تاماق ونەركاسىبى سالالارىنداعى 16 كومپانيا قاتىستى. ولاردىڭ قاتارىندا «IT&M», «قازفوسفات», «قازازوت», «كەنتاۋ ترانسفورماتور زاۋىتى», «راحات», «تيككۋريلا», «قازاقستان عارىش ساپارى», «ازيا اۆتو», «بايان سۇلۋ», «پورت قۇرىك» جانە باسقا دا كاسىپورىندار بار.
ەلدەر اراسىندا تۋىندايتىن نەگىزگى پروبلەمالاردىڭ قاتارىنا تۇرىكمەنستاندىق ارىپتەستەر قازاقستاندىق كاسىپكەرلەرگە تولەم جاساۋ كەزىندە قيىندىقتارعا دۋشار بولىپ جاتاتىنىن جاتقىزۋعا بولادى. بۇل مانداتتى ەركىن ايىرباستاۋ مۇمكىندىگىنىڭ بولماۋىمەن بايلانىستى. سوندىقتان بىرلەسكەن جۇمىستىڭ بەلسەندىلىگىن ارتتىرىپ, ىنتىماقتاستىق ورناتۋ ماقساتىندا «KazakhExport» اق توپ-مەنەدجەرلەرى «تۇرىكمەنستان» جانە «حالقبانك» مەملەكەتتىك بانكتەرىنىڭ وكىلدەرىمەن, سونداي-اق «رىزگال» كوممەرتسيالىق بانكىمەن كەلىسسوز جۇرگىزدى.
ساۋدا-ەكونوميكالىق ميسسيانىڭ ناتيجەلەرى بويىنشا, «Dolce» فارماتسەۆتيكالىق كومپانياسى ىنتىماقتاستىق جونىندەگى ەكى مەموراندۋمعا قول قويدى. ال «بەلەس-اگرو» جشس «بەلەس-ماركەت» ساۋدا بەلگىسىمەن تۇرىكمەنستانعا بيىل ءار اي سايىن 3-4 مىڭ توننا كولەمىندە ۇن مەن وسىمدىك مايىن جەتكىزىپ تۇرۋ تۋرالى كەلىسىمشارتقا قول قويدى.
«ەگەمەن-اقپارات»
