بۇل 19-26 تامىز ارالىعىندا وتەتىن فۋتزالدان الەم چەمپيوناتىنا دايىندىقتىڭ باسى بولىپ تابىلادى. ايتا كەتۋ كەرەك, اتالمىش تۋرنيردە 1200-گە جۋىق ۇلدار مەن قىزدار قاتىسىپ, جالپى سانى 140-تان استام كوماندا ونەر كورسەتتى.
ۇلتتىق قۇراما ويىنشىلارى اۋلا ليگاسىنىڭ الدىڭعى تۋرنيرىندە جەڭىسكە جەتكەن «وليمپ» كومانداسىمەن جولىقتى. تارتىستى ءتۋرنيردى اۋلا ليگاسىنىڭ قاتىسۋشىلارى تاماشالاپ, كوپشىلىگى «وليمپقا» جانكۇيەرلىك تانىتتى. الايدا, تاجىريبەلى فۋتزالشىلار ولاردى 4:1 ەسەبىمەن ۇتتى.
– تۋرنير وتە قىزىقتى ءوتتى. بارلىعى دا جاقسى وينايدى ەكەن. ءبىز دە بالالىق شاعىمىزدى ەسكە الدىق. ءوزىمىز دە وسىنداي جارىستاردان, اۋلادان فۋتبول باستاعان ەدىك. ەندى كەيىنگىلەرگە كەلىپ, قولداۋ كورسەتتىك. الداعى الەم چەمپيوناتىنا قىزۋ دايىندالۋدامىز. جاقىندا قىرعىزستاندا جيىن وتكىزدىك. ءبىر سوزبەن ايتقاندا, جەڭىستەن ءۇمىتىمىز زور, – دەيدى ۇلتتىق قۇراما ويىنشىسى اقجول ءدارىباي.
ويىن ناتيجەسىندە 8-14 جاس ارالىعىنداعى قاتىسۋشىلاردان «ارىستان», «باجەنوۆا» مەن «مەتەور» كوماندالارى جۇلدەگەر اتانسا, ەرەسەكتەر اراسىندا 15+ «كاريبيان», ازتم جانە «تارعاپ» ۇجىمدارى جەڭىسكە جەتتى.
ايتا كەتۋ كەرەك, فۋتزالدان ستۋدەنتتەر اراسىنداعى الەم چەمپيوناتى تامىزدىڭ 19-26-سى كۇندەرى Almaty Arena جانە Halyk Arena مۇز سارايلارىندا وتەتىن بولادى. وعان 9 ايەلدەر, 16 ەرلەر ۇلتتىق قۇرامالارى قاتىسادى دەپ كۇتىلۋدە. قازاقستاننىڭ ەرلەر ۇلتتىق قۇراماسى ءبىر توپتا چەحيا, بەلارۋس, جاڭا زەلاندياعا قارسى ونەر كورسەتسە, ايەلدەر كومانداسى پورتۋگاليا, فرانتسيا جانە جاڭا زەلانديامەن ويناماق.
ايناش ەسالي,
«ەگەمەن قازاقستان»
