«گەمودياليز – قاندى بۇيرەكتەن تىس تازارتۋ ادىستەرىنىڭ ءبىرى. اۋدان بويىنشا اتالمىش اۋرۋعا شالدىققان 12 ادام ەسەپتە تۇر. بۇل شارا كەپىلدەندىرىلگەن تەگىن مەديتسينالىق كومەك اياسىندا جۇرگىزىلەدى. سوزىلمالى بۇيرەك جەتىسپەۋشىلىگى دەرتىنە ۇشىراعان ناۋقاستار اپتاسىنا 3 رەت قاندارىن تازارتىپ وتىرادى. ءبىر اۋىسىمدا 6 ناۋقاسقا ەم-دوم قولدانىلادى», دەيدى اۋداندىق ورتالىق اۋرۋحانانىڭ باس دارىگەرى اناتولي رافالسكي.
وبلىستىق دەنساۋلىق ساقتاۋ باسقارماسىنىڭ باسشىسى تيمۋر سۇلتانعازيەۆتىڭ ايتۋىنشا, وڭىردە اتالمىش ەم-دومدى قاجەت ەتەتىن تۇرعىنداردىڭ سانى ءبىرشاما ارتقان. بىلتىر125 ناۋقاس تىركەلسە, بيىل 137-گە جەتكەن. بۇدان سوزىلمالى بۇيرەك دەرتىنە شالدىققانداردىڭ ءبارى گەمودياليز ەم-شاراسىن قابىلداۋى مىندەتتى دەگەن وي تۋماسا كەرەك. قان بۇيرەك اۋرۋىنىڭ ءتورتىنشى كەزەڭىندە تازارتىلادى. گەمودياليزدىڭ بالاماسى – بۇيرەكتى اۋىستىرۋ. وبلىستا 22 ادامنىڭ بۇيرەگىن اۋىستىرۋ وتاسى جاسالعان.
پەتروپاۆلدا العاشقى قان تازارتۋ ورتالىعى 2014 جىلى اشىلعان بولاتىن. 12 اپپارات ورناتىلعان ورتالىقتا 62 ناۋقاس ەم قابىلدايدى. «نەفروس»-سك» جشس-ءنىڭ ديرەكتورى ليليا گمىزينانىڭ سوزىنە قاراعاندا مۇندا اۋىل تۇرعىندارى دا كەلەدى. الايدا ەم-دوم باعاسى قىمبات ءارى بارىپ-كەلۋى كوپ ۋاقىت الاتىندىقتان, اۋدانداردا گەمودياليز ورتالىقتارىن اشۋ تۋرالى ۇسىنىس ايماق باسشىسى قۇمار اقساقالوۆتىڭ تاراپىنان قولداۋ تاپقان.
جاڭا قان تازارتۋ ورتالىعىتايىنشا, اقجار, ءۋاليحانوۆ جانە ايىرتاۋ اۋداندارىنىڭ تۇرعىندارىنا قىزمەت كورسەتەدى. الداعى ۋاقىتتا شال اقىن اۋدانىندا ىسكە قوسۋ جوسپارلانعان.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
