اتالعان قۇجات ەكى بانك اراسىنداعى ەرىكتى قايتا ۇيىمداستىرۋ اياسىندا قازكوممەرتسبانكتىڭ بۇكىل قۇقىقتارى مەن مىندەتتەمەلەرىن حالىق بانكىنە بەرۋىن بىلدىرەدى.
«قازاقستاننىڭ حالىق بانكى» اق باسقارما توراعاسى ءۇمىت شاياحمەتوۆانىڭ ايتۋىنشا, بۇل پروتسەسس ءبىر جارىم جىلعا سوزىلعان.
«حالىق بانكى مەن قازكوممەرتسبانكتىڭ بىرىڭعاي تەحنولوگيالىق پلاتفورماعا ءوتۋى بويىنشا بۇكىل شارالار جوسپارعا ساي اياقتالدى. حالىق بانكىنىڭ جانە قازاقستاننىڭ بۇكىل قارجى جۇيەسىنىڭ تاريحىندا جاڭا كەزەڭ باستالدى», - دەيدى ول.
حابارلانعانداي, تابىستاۋ اكتىن بەكىتۋ تۋرالى شەشىم 2018 جىلدىڭ 26 شىلدەسىندە حالىق بانكى اكتسيونەرلەرىنىڭ كەزەكتەن تىس جالپى جينالىسىندا, قازكوممەرتسبانك اكتسيونەرلەرىنىڭ كەزەكتەن تىس جالپى جينالىسىندا جانە قازكوممەرتسبانك جانە حالىق بانكى اكتسيونەرلەرىنىڭ بىرلەسكەن جالپى جينالىسىندا قابىلداندى.
بۇدان بولەك, حالىق بانكى مەن قازكوممەرتسبانك بارلىق قاجەتتى تەحنولوگيالىق جۇمىستاردى اياقتادى. سونىڭ ناتيجەسىندە قازكوممەرتسبانك پەن حالىق بانكىنىڭ كليەنتتەرىنە ەندى حالىق بانكىنىڭ بارلىق فيليالدارى مەن بولىمشەلەرىندە قىزمەت كورسەتىلەدى. كازكوممەرتسبانكتىڭ ەنشىلەس ۇيىمدارى حالىق بانكىنىڭ ەنشىلەس ۇيىمدارى بولادى.
