يگىلىگىمىزدىڭ باستاۋ قاينارى

ەلباسى نۇرسۇلتان نازار­باەۆ­تىڭ كەز كەلگەن كەلەلى جي­ىندى «قىمباتتى وتانداستار! ارداقتى اعايىن!» دەگەن جۇرەك جىلىتار سوزدەرمەن باس­تاي­تىنىنىڭ مازمۇن-ءتالىمى مول. ال, تاۋەلسىز­دى­گى­مىزدىڭ 20 جىلدىعىن اتاپ ءوتۋ سالتاناتىندا بۇل ءسوز­دەردىڭ قۇدىرەت ءمانى تەرەڭ ايشىقتالىپ, بارشامىزدىڭ كوڭىلىمىزدى ءوسىرىپ, قۋانىش شاشىپ تۇردى. ءبىز تۇڭعىش پرەزيدەنتىمىزدىڭ – ۇلت كوشباسشىسىنىڭ بويىنداعى اسىل قاسيەتتەردىڭ وزىنەن تاۋەلسىزدىك ۇعىمىنىڭ قانشالىقتى قىمبات ەكەندىگىن تەرەڭ تۇيسىندىك. كونە تاريح ادامزات ارمانىنىڭ ورىندالار تۇسىن دا مەڭزەي بىلەدى. حالىق ءۇشىن ازاتتىق, تاۋەلسىزدىكتەن ارتىق باقىت جوق. بابالار كوكسەگەن كوك بايراقتى اسپانداتۋ ءبىزدىڭ زامانىمىزدىڭ ەنشىسىنە ءتيدى. ول دا اسپاننان تۇسە قالعان جوق. پرەزيدەنت ايتقانداي, ەلىمىز تاريح الدىنداعى جاۋاپكەرشىلىكتى ادال اتقارىپ كەلەدى. بۇل جوعارى باعا. ايتكەنمەن, ەرتەڭدى ەڭسەلەندىرۋ ءۇشىن ەرەن شارۋا تىندىرۋ كەرەك. «ءبىزدىڭ الدىمىزدا تاۋەلسىزدىكتى قورعاۋ, تاتۋلىقتى ساقتاۋ, تۇراقتىلىقتى ورنىقتىرۋ سياقتى اسا كۇردەلى تاريحي ىستەر تۇر» دەدى نۇرسۇلتان ءابىش ۇلى. سوزىندە سەنىم بار. شىندىعىندا, الماعايىپ كەزەڭدە الەمدى اۋزىنا قاراتقان مەملەكەت قۇرا بىلگەن قازاقستاندىقتار تاۋەلسىزدىكتى ءتاۋ ەتىپ, قولعا قونعان باقىتتى قادىرلەي بىلەتىنى شاكسىز. ءبىز جۇلدىزدى جيىرما جىلدىڭ قۋانىشىنا بولەنگەن حالىقپىز. باقىت پەن قۋانىش باعالاعاننىڭ باسىندا تۇرادى. ەلباسىنىڭ ءداۋىر تورىندەگى وسىناۋ دانىشپاندىق سوزدەرى ناقتى ىستەرمەن جالعاسىپ, جانىمىزدى جادىراتا بەرەتىنىنە سەنىپ قانا قويماي, بىلەك سىبانا ۇلەس قوسۋىمىز قاجەت, اعايىن. ءاردايىم وردالى وتانىمىزبەن ماقتانىپ جۇرەيىك! قۋانىش نۇرسادىقوۆ, كاسىپكەر, اۋداندىق ءماسليحاتتىڭ دەپۋتاتى.  اقمولا وبلىسى, اقكول اۋدانى.