تاۋەلسىزدىك شارتى – ەل بىرلىگىندە

سالتاناتتى مەرەكە كۇنى بۇكىل حالىق, وتانداستارى­مىز الدىندا ءسوز سويلەگەن  ەلباسى «قازاقستان­دىقتار­دىڭ تۇراق­تىلىق پەن كەلىسىم باعى­تىن, ۇدەمەلى يندۋستريالاندىرۋ, ين­نو­­ۆاتسيالىق دامۋ مەن ينتەگراتسيا با­عىتىن قولدايتىنىنا مەن ەش كۇ­ماندانبايمىن, ويتكەنى وعان بالاما جوق», دەپ اتاپ كورسەتتى. «بۇل – ءبىزدىڭ ورتاق مىندەتىمىز. قازاقستان – ءبىر­تۇتاس جەر, ءبىر­تۇ­تاس حالىق, ءبىرتۇتاس بو­لا­شاق. مەن بارشا قازاقستان­دىق­تاردى ۇلت­ارا­لىق جانە كونفەس­سيا­ارالىق كەلىسىمدى ودان ءارى نى­عايتۋعا شا­قىرامىن. ولار ءبىزدىڭ ماڭگىلىك قۇندىلىق­تا­رىمىز. وسى­ناۋ بۇل­جى­ماس اقيقاتتى ساقتاي وتىرىپ قانا ءبىز ماڭگى حالىق, ماڭگى ەلوردا جانە ماڭگى مەملەكەت تۋرالى ايتا الامىز», دەپ ءاربىر ەلىم دەيتىن قا­زاق­ستاندىقتىڭ جۇرەگىندە, سا­نا­سىن­دا قالاتىن سالي­قا­لى سوزدەر ار­نادى. ەل بىرلىگىن كوز­دىڭ قاراشى­عىن­داي ساقتاڭدار. ءبىزدىڭ تاۋەلسىز­دىگىمىزدىڭ باستى جەتىستىگى جانە ونى نىعايتۋدىڭ شارتى – حا­لىق­تار بىرلىگى, دەدى ءوز سوزىندە ەلباسى. ءبىزدىڭ وبلىس ورتالىعىندا ەل ءتاۋ­ەلسىزدىگىنىڭ 20 جىلدىعى قار­ساڭىندا  ەتنومادەني ورتا­لىق­تار ال­لەيا-الاڭى اشىلدى. وسى­دان ءۇش جىلداي ۋاقىت بۇرىن «دوس­تىق ءۇيىنىڭ» پايدالانۋعا بەرىلۋ سالتاناتتى راسىمىنە ەلباسى نۇرسۇلتان نازارباەۆ قاتىستى. بۇل كۇندەرى «دوستىق ۇيىندە» وب­لىستىق قا­زاق­ستان حالقى اس­سام­بلەياسىنىڭ حاتشىلىعى,  18 ەتنو­ما­دەني بىرلەستىك, اس­سام­بلەيا­سى­نىڭ جاستار بىرلەستىگى, ۇلت­تىق وركەندەۋ مەك­تەبى, «انا ءتىلى» تىلدەردى دا­مىتۋدىڭ وقىتۋ-ءادىس­تە­مەلىك ور­تا­لىعى, «قازاق ءتىلى» قوعامى ورنالاسقان. سو­نى­مەن قاتار, 20 ەتنوستىڭ مادەنيە­تىن دارىپتەيتىن 42 شىعارماشى­لىق ۇجىم جۇمىس ىستەيدى. مامىر اي­ىندا «ماقساتى ءبىردىڭ – رۋحى ءبىر» ۇرانىمەن «دوستىق. بىرلىك. ءتاۋ­ەلسىزدىك» اتتى ەتنوستىق توپ­تار­دىڭ ءحىV وبلىستىق فەستيۆالى ءوتتى. «ەل قازىناسى» جوباسى ايا­سىندا «ەرتىس – دوستىق وزەنى» ات­تى حالىقارا­لىق فەستيۆال ۇي­ىم­داستىرىلادى. بيىلعى جىلى ەتنومادەني بىرلەستىكتەر جۇمى­سىن اتقارۋ ىسىنە 25 ميلليون تەڭ­گە ءبولىندى. وزگە ۇلت وكىلدەرى مەملەكەتتىك ءتىلدى مەڭگەرۋدە. وبلىس اۋماعىندا وسى باعىت اياسىندا ءتيىستى جۇمىستار اتقارىلۋدا. مەملەكەتتىك ءتىلدى جانە قازاق حالقىنىڭ سالت-ءداستۇرىن ۇيرەتۋ وبلىستىڭ لينگۆيس­تيكالىق لاگەرلەرى مەن الاڭدارى­نىڭ وقۋ باعدارلاماسىنا ەنگىزىلگەن. ەلىمىزدەگى حالىقتار اراسىنداعى دوستىق پەن ۇلتارالىق كەلىسىم, ىنتىماقتاستىق, بەيبىتشىلىككە اق جول تىلەگىم كەلەدى. مەن ءوزىم, باسقا دا ەتنومادەني ورتالىقتار مۇشەلەرى  سياقتى تاۋەلسىزدىك تويىنا ارناعان ەلباسى سوزىنەن جىگەر الىپ, قاناتتاندىق. ەلىمىز دوستىق پەن تاتۋلىقتىڭ مەكەنىنە اينالىپ وتىر. بۇل ەلىمىز ءۇشىن اسا ۇلكەن مارتەبە دەپ ەسەپتەيمىن. سەيسەنباي جەتپىسباەۆ, وبلىستىق قازاقستان حالقى اسسامبلەياسى توراعاسىنىڭ ورىنباسارى. پاۆلودار.