ۇشۋ كەستەسىنە ەنگىزىلگەن وزگەرىستەر نەگىزىنەن وساكا, ناگويا سياقتى ورتالىق قالالار ارقىلى وتەتىن باعىتتار بويىنشا ەنگىزىلدى. ويتكەنى اتالمىش باعىتتار بويىنشا تروپيكالىق داۋىل كەلە جاتىر. بۇل داۋىل اۋەلدە جاپونيانى اينالىپ ءوتۋى ءتيىس بولعاىمەن, ول جاپونيانىڭ باستى حونسيۋ ارالى ماڭىندا ءوزىنىڭ باعىتىن وزگەرتتى. «دجونداري» ساعاتىنا 40كم/ساعات جىلدامدىقپەن سولتۇستىك-باتىس باعىتىمەن ۇيتقىپ كەلەدى. داۋىل ەلدىڭ ورتالىق جانە باتىس بولىگىمەن ءوتۋى ىقتيمال. بۇلاي بولعان جاعدايدا ول جاپون تەڭىزىنە شىعىپ, كورەي تۇبەگىنە باعىت الادى.
ەلدىڭ ۇلتتىق مەتەورولوگيالىق باسقارماسىنىڭ مالىمەتتەرى بويىنشا, تروپيكالىق داۋىلدىڭ ورتالىق بولىگىندەگى جەلدىڭ كۇشى ساعاتىنا 40 كم جىلدامدىقتى قۇرايدى. ەكپىنى مەترىنە 50 كم بولادى. ەلدىڭ باتىس جانە ورتالىق بولىگىنە تاۋلىگىنە 250-دەن 400 مم-گە دەيىن جاۋىن جاۋى مۇمكىن.
ايتا كەتەيىك, شىلدەنىڭ باسىندا «پراپيرۋن» تايفۋنىنىڭ اسەرىنەن جاپونياعا نوسەر جاۋىن جاۋىپ, سونىڭ سالدارىنان كوشكىن مەن تاسقىن پايدا بولدى. تابيعاتتىڭ دۇلەي كۇشىنىڭ سالدارىنان 225 ادام مەرت بولىپ, مەملەكەتكە 76,7 ملرد يەن كولەمىندە شىعىن كەلگەن.
