كەزدەسۋى قازاقستاندىق مانەرلەپ سىرعاناۋشى, سوچي وليمپياداسىنىڭ جۇلدەگەرى دەنيس تەننىڭ مەزگىلسىز قايتىس بولۋىنا بايلانىستى, 1 مينۋتتىق ەسكە الۋمەن باستالدى.
ويىننىڭ العاشقى مينۋتتارىنان باستاپ «استانا» كومانداسى باسىمدىقتى ءوز قولىنا الىپ, شابۋىلداۋمەن بولدى. ارا-تۇرا ۇيىمداستىرىلعان شابۋىلدار كوبىنە ناتيجەسىز اياقتالىپ جاتتى. دەگەنمەن 31-مينۋتتا الاڭ ورتالىعىندا دوپ ۆەنگريالىق فۋتبولشى لاسلو كلياينحايسلەر قارسىلاستىڭ قورعانىس شەبىندە پايدا بولعان بوس كەڭىستىكتى ۇتىمدى پايدالانىپ, «ميدتيۋللاند» قاقپاشىسى يەسپەر حانسەندى قاپى قالدىردى. ەسەپ – 1:0. قوناقتار تايم سوڭىنا دەيىن ەسەپتى تەڭەستىرۋگە ۇمىتىلعانىمەن, ءبارى ناتيجەسىز اياقتالدى.
ەكىنشى تايمنىڭ قوناقتار قارقىندى باستادى. ويىننىڭ 51-مينۋتىندا دانيالىقتار ەسەپتى تەڭەستىرىپ كەتتى. بۇل ناتيجە سىرت الاڭداعى قارىمتا كەزدەسۋ الدىندا «استانا» ءۇشىن قاۋىپتى ەسەپ بولعاندىقتان, ەلوردا كومانداسى بۇكىل ۇجىم بولىپ شابۋىلعا ۇمىتىلدى. تورەشى قوسقان قوسىمشا ۋاقىتتىڭ سوڭعى مينۋتىندا لاسلو كلياينحايسلەر ايىپ الاڭىنىڭ ورتا تۇسىنان تاعى دا كۇشتى سوققى باعىتتاپ, «استاناعا». قورىتىندى ەسەپ – 2:1. ەكى كوماندا اراسىنداعى قارىمتا كەزدەسۋ 1 تامىز كۇنى دانيانىڭ حەرنينگ قالاسىندا وتەدى.
