«مەنىڭ وتانىم قازاقستان» جوباسى اياسىنداعى ءۇش كۇندىك ەكسكۋرسيا الماتى جانە استانا قالالارىندا وتەدى. ۇيىمداستىرۋشىلار - اتىراۋ وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسى.
ەكسكۋرسيا از قامتىلعان وتباسىلاردىڭ بالالارى جانە وبلىستاعى ۇزدىك وقۋشىلارعا ارنالعان. ءۇش كۇندىك دەمالىستى جەرگىلىكتى بيۋدجەت قارجىلاندىرادى.
- جالپى سانى 250 وقۋشى شىلدە-تامىز ايلارى ارالىعىندا ەلىمىزدىڭ ءىرى قالالارىندا جازعى دەمالىسىن وتكىزەدى. استاناداعى 3 كۇندە بالالار تاريxي-مادەني ورىندارمەن, ەكسپو كورمەسىمەن, كىتاپxانا, مۇراجايلارمەن تانىسادى,-دەيدى وبلىستىق كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ ءتۋريزمدى دامىتۋ ءبولىمىنىڭ باس مامانى الماس كۋپجانوۆ.
بالالاردىڭ قاۋىپسىزدىگى ءۇشىن جەتەكشى ۇستازدار مەن مەديتسينا ماماندارى بىرگە بارادى.
ايتا كەتۋ كەرەك, اتىراۋ وبلىسىندا وقۋشىلاردىڭ جازعى دەمالىسىن ءتيىمدى وتكىزۋ ءۇشىن بارلىق جاعداي جاسالۋدا. اعىمداعى جىلدىڭ 16-ماۋسىمىندا جەتىم جانە اتا-اناسىنىڭ قامقورلىعىنسىز قالعان 40 بالا يتاليانىڭ چەزەناتيكو قالاسىندا ورنالاسقان جازعى دەمالىس ورنىنا بارىپ, 2 اپتا دەمالىپ قايتقان بولاتىن.
