تاجىكىستاننان قازاقستانعا وقۋ-جاتتىعۋ تۋرىمەن تاجىكستان رەسپۋبليكاسى پارلامەنتى, ەنەرگەتيكا جانە سۋ رەسۋرستارى مينيسترلىگى, ادىلەت مينيسترلىگى, زاڭناما جونىندەگى ۇلتتىق ورتالىق, ەقىۇ-نىڭ دۋشانبە قالاسىنداعى باعدارلامالار كەڭسەسى ۋاكىلدەرىنەن تۇراتىن دەلەگاتسيا كەلدى. ساپاردىڭ ماقساتى – ەنەرگيا ۇنەمدەۋ ماسەلەلەرىن تالقىلاۋ جانە «جاسىل» تەحنولوگيالار بويىنشا قازاقستاندىق تاجىريبەمەن تانىسۋ.
وقۋ-جاتتىعۋ تۋرى اياسىندا تاجىك دەلەگاتسياسى «تكش قازورتالىعى» اق-تىڭ ەنەرگيا ۇنەمدەيتىن عيمارات ءپرينتسيپى بويىنشا جاسالعان جانە ەنەرگيا ۇنەمدەيتىن تەحنولوگيالار مەن ماتەريالداردى قولدانۋ ارقىلى سالىنعان ورتالىعىنا باردى.
«تۇرعىن ءۇي-كوممۋنالدىق شارۋاشىلىعىن دامىتۋدىڭ قازاقستاندىق عىلىمي-تەحنيكالىق ورتالىعى» جشس باس ديرەكتورىنىڭ ءبىرىنشى ورىنباسارى دوسان قۇرمانوۆ ورتالىقتى جىلىتۋ ءۇشىن ەنەرگيانى تۇتىنۋ ستاندارتتى عيماراتپەن سالىستىرعاندا 30%-كە اسپايتىنىن اتاپ ءوتتى.
«عيماراتتى جىلۋمەن جابدىقتاۋدىڭ اۆتونومدى كوزى رەتىندە ەلەكتر قازاندىقتارى مەن جىلۋ سورعىلارى ورناتىلعان. بۇدان باسقا, جىلىتۋ عانا ەمەس, سونىمەن قاتار جازدا عيماراتتى سالقىنداتۋ ءۇشىن دە قولدانىلاتىن باتارەيالارمەن جابدىقتالعان. ەلەكترمەن جابدىقتاۋ قالالىق ەلەكتر جەلىلەرى, اۆاريالىق ديزەل گەنەراتورى سونداي-اق كۇن باتارەيالارى ارقىلى قامتاماسىز ەتىلەدى. سۋمەن جابدىقتاۋ كوزى – قالالىق سۋ جەلىسى. كەلەشەكتە اۋماقتاعى كوگالدى سۋارۋ ءۇشىن قايتادان پايدالانىلاتىن اعىندى سۋلاردى تازارتۋ قوندىرعىسىن قوسۋ جوسپارلانىپ وتىر», دەپ اتاپ ءوتتى د.قۇرمانوۆ.
تاجىكستان وقۋ-جاتتىعۋ تۋرىنىڭ نەگىزگى ماقساتى «جاسىل» باستامالاردى ناسيحاتتاۋعا كومەكتەسۋ بولىپ تابىلاتىن «قازاقستان ەكولوگيالىق ۇيىمدارى قاۋىمداستىعى» جانە «جاسىل» ەكونوميكا جانە G-Global دامىتۋ كواليتسياسى» زتب ۇيىمداستىردى.
