كەزدەسۋدە ءسوز العان اۋداندىق ارداگەرلەر كەڭەسىنىڭ توراعاسى امانگەلدى ۋاليەۆ, اۋدان اكىمىنىڭ ورىنباسارى جاقسىلىق ابدولوۆ, «شۇعىلا» گازەتىنىڭ ديرەكتورى-باس رەداكتورى احمەديار باتىرحانوۆ, اۋداندىق ءماسليحات دەپۋتاتى بەرىك ىقسانوۆ, ەڭبەك ارداگەرى ساميعا قايىروۆا, كاسىپكەرلەر پالاتاسىنىڭ باتىس قازاقستان وبلىسىنداعى بولىمشەسىنىڭ ديرەكتورى جاسۇلان باسىروۆ «رۋحاني جاڭعىرۋ» باعدارلاماسىن ىسكە اسىرۋ بارىسى تۋرالى حاباردار ەتىپ, اۋدانداعى وزەكتى ماسەلەلەر تۋرالى ءوز ويلارىن ورتاعا سالدى.
اتاپ ايتقاندا, جانىبەك اۋدانىنداعى اكادەميالىق باقتى ارناۋلى ۇيىم رەتىندە قۇرۋ, وبلىس ورتالىعىنان شالعايداعى جانىبەك, بوكەيوردا جانە كازتالوۆ اۋداندارىن 2021 جىلعا دەيىن كەڭ جولاقتى ينتەرنەتپەن قامتاماسىز ەتۋ, جانىبەك اۋدانىنا «باتىر اۋدان» مارتەبەسىن بەرۋ ماسەلەلەرىن كوتەردى.
اگرارلىق مەكەمەلەردىڭ وكىلدەرى سەناتورلارعا اۋىل شارۋاشىلىعىنىڭ وزەكتى ماسەلەلەرى تۋرالى ايتتى. سونداي-اق ورال-جانىبەك اۆتوموبيل جولىنىڭ قۇرىلىسىن جەدەلدەتۋ تۋرالى دا ۇسىنىس ايتىلدى. ساپار بارىسىندا ە. مۇقاەۆ پەن ن. تورەعاليەۆ 20 تۇرعىن ءۇيدىڭ قۇرىلىس الاڭدارىندا بولىپ, ەلدى مەكەندەردى گازبەن جانە اۋىز سۋمەن قامتاماسىز ەتۋ, اۋىل ىشىندەگى جولداردى جوندەۋ جۇمىستارىمەن تانىستى.
