شارا بارىسىندا ايماقتاعى كامەلەتكە تولماعان بالالاردىڭ قۇقىقتارىن قورعاۋ جانە قامتاماسىز ەتۋ, بالالار اراسىنداعى قۇقىق بۇزۋشىلىقتاردىڭ الدىن الۋ, دەنساۋلىق ساقتاۋ, سونداي-اق جەتىم بالالار قۇقىقتارىنىڭ ساقتالۋى ماسەلەلەرى قارالدى. ۇكىمەتتىك ەمەس ۇيىمداردىڭ وكىلدەرى وسى سالاداعى جاعدايدى جاقسارتۋ, ءبىلىم بەرۋ جانە تاربيە مەكەمەلەرى جۇيەسىن جەتىلدىرۋ, مەملەكەت پەن قوعامدى ۇيلەستىرۋ جونىندە ءوز ۇسىنىستارىن ايتتى.
س.ايتپاەۆا ۇكىمەتتىك ەمەس ۇيىمدار وكىلدەرىنىڭ ساۋالدارىنا جاۋاپ بەرىپ, بالا قۇقىقتارى جونىندەگى ۋاكىل ينستيتۋتىن دامىتۋ مەن ەلدەگى كامەلەتكە تولماعانداردىڭ قۇقىقتارىن قورعاۋدى قامتاماسىز ەتۋ تۋرالى اڭگىمەلەدى. سەناتور س.ايتپاەۆا ورالدا وتكەن ترانسشەكارالىق سۋ جونىندەگى ىنتىماقتاستىق ماسەلەلەرىنە ارنالعان حالىقارالىق كونفەرەنتسياعا دا قاتىستى. فورۋمعا پارلامەنتتەردىڭ, ورتالىق جانە جەرگىلىكتى بيلىك ورگاندارىنىڭ, عىلىمي قاۋىمداستىقتىڭ, ازاماتتىق قوعامنىڭ, قازاقستان, رەسەي, اۋستريا, وزبەكستان جانە باسقا دا ەلدەردىڭ ساراپشىلار قوعامداستىعىنىڭ 130-دان استام وكىلدەرى جينالدى.
كونفەرەنتسيا بارىسىندا جايىق وزەنىنىڭ سۋ رەسۋرستارىن باسقارۋ جونىندەگى ەكىجاقتى جانە كوپجاقتى ىنتىماقتاستىقتى نىعايتۋ مۇمكىندىكتەرى, سونداي-اق سۋ رەسۋرستارىن قورعاۋ ماسەلەلەرى بويىنشا شەشىم قابىلداۋداعى جۇرتشىلىقتىڭ ءرولى تالقىلاندى.
