باقىتجان ءابدىرايىم قازاقستان كاسىپوداقتار فەدەراتسياسىنىڭ توراعاسى قىزمەتىنە وتكەن جىلدىڭ قاراشا ايىندا تاعايىندالعان بولاتىن, اتىراۋ وبلىسىنا جۇمىس ساپارىمەن العاش كەلۋى. وبلىس باسشىسى قوناقتى ءوڭىردىڭ سالالىق جانە جەرگىلىكتى كاسىپوداقتارىنىڭ توراعالارىنا تانىستىردى, سونداي-اق اتىراۋ وبلىسىنىڭ الەۋمەتتىك-ەكونوميكالىق دامۋى تۋرالى اڭگىمەلەدى.
«قازىرگى ۋاقىتتا وڭىردە, سونىڭ ىشىندە وبلىس اۋماعىندا جۇمىس ىستەيتىن كاسىپوداقتاردىڭ تابىستى جۇمىستارىنىڭ ناتيجەسىندە وڭ دامۋ ديناميكاسى بايقالادى. مەملەكەت باسشىسى جولداۋ مەن باسقا باعدارلامالار اياسىندا العا قويعان بارلىق مىندەتتەردى ىسكە اسىرۋعا قاراجاتىمىز جەتكىلىكتى. ءبىز اتىراۋ وبلىسىن دامىتۋدا بىرلەسىپ جاڭا بەلەستەردى باعىندىرامىز دەپ سەنەمىن», - دەدى كەزدەسۋدە ن.نوعاەۆ.
كەزدەسۋ بارىسىندا باقىتجان ءابدىرايىم ءوڭىردىڭ ەكى كاسىپوداق توراعاسىنا استانانىڭ 20 جىلدىعى قۇرمەتىنە مەرەيتويلىق مەدالداردى تابىس ەتتى. باقىتجان ءابدىرايىم قاتىسۋشىلارعا قازاقستان كاسىپوداقتار فەدەراتسياسى اتىراۋ وبلىستىق فيليالىنىڭ توراعاسى ىزتۇرعان بايمۇحانوۆتى تانىستىرىپ, وعان جاڭا قىزمەتىندە تابىس تىلەدى.
ىزتۇرعان بايمۇحانوۆ ماماندىعى بويىنشا ينجەنەر-گەولوگ. قاتارداعى تەحنيكتەن «قازمۇنايگاز» ءبو اق «ەمبىمۇنايگاز» كاسىپورنى ءوف ديرەكتورىنا دەيىن ەڭبەك جولىنان ءوتتى. سوڭعى جيىرما جىل بويى ءوڭىردىڭ ءىرى مۇناي-گاز كاسىپورىندارىندا باسشىلىق لاۋازىمداردى اتقاردى.
