جارما اۋداندىق ىشكى ساياسات ءبولىمى مەن ارداگەرلەر ءۇيى بىرلەسە ۇيىمداستىرعان سايىسقا قالبا ءوڭىرىنىڭ اۋىلدارىنان كەلگەن قاريالار قاتىستى. ء«بىز ۇلتتىق قۇندىلىقتارىمىز ۇمىتىلماسا, اسىق اتۋ, بەس تاس سىندى كونە سپورت تۇرلەرى جاستار اراسىندا ناسيحاتتالسا دەيمىز. بىلە بىلسەك, اسىق ويىنىنىڭ پايداسى وتە زور. اسىق اتۋ بالالاردى مەرگەندىككە, ەپتىلىككە باۋليدى», دەيدى اۋداندىق ارداگەرلەر كەڭەسىنىڭ توراعاسى نۇرلىبەك ەسپولوۆ.
جاس كەزىندە اسىقتى كوپ ويناعان, قاريالار اراسىنداعى ويىن تارتىسقا تولى بولدى. جارىس قورىتىندىسىندا اۋىلدىق وكرۋگتەردەن كەلگەن ارداگەرلەر اراسىندا اسىق اتۋدان 1-ورىندى سەرىكباي قاليەۆ (شالاباي اۋىلى), 2-ورىندى امانگەلدى نۇرعاليەۆ (ورتابۇلاق اۋىلى), 3-ورىندى قايىرتاي قۇرمانعاليەۆ (بىرلىكشىل وكرۋگى) پەن تولەۋبەك قاسەنوۆ (قالباتاۋ اۋىلى) يەلەندى. بەس تاس ويىنىندا 1-ورىندى رىسقايشا ورازباەۆا (قىزىلاعاش اۋىلى), 2-ورىندى رايسا بەكقاسىموۆا, 3-ورىندى جۇماباقىت راحمەتوۆا (ەكەۋى دە قالباتاۋ اۋىلى) ەنشىلەدى.
ازامات قاسىم,
«ەگەمەن قازاقستان»
شىعىس قازاقستان وبلىسى,
جارما اۋدانى,
قالباتاۋ اۋىلى
