بۇرحانبۇلاق – تابيعاتتىڭ تۇمسا بولشەگى

ءبىز بۇعان دەيىنگى «بۋددا بەي­نە­لەنگەن تاس» اتتى جازبا­مىز­دا تە­كەلى قالاسىنان وڭ­تۇس­تىك شى­عىسقا قاراي ورلەي شى­عا­تىن جول بويىنداعى تابيعات عا­جاي­ى­بى جايلى جازعان ەدىك. ەرىن­بە­گەن ادام «ەگەمەننىڭ» بۇر­نا­عى سان­دا­­رىنان ونى تاۋىپ, وقىپ الار دەي­­مىز. بۇل جولى سول ىزبەن ىل­گە­­رى­لەپ, ازيا تا­ري­حى­نا تا­بي­عات­تىڭ عاجايىپ سى­يى بولىپ ەنگەن بۇر­حانبۇلاق سار­قى­را­ما­سىنا بەت الا­مىز...

...كەنشىلەر قالاسىنان اتتاپ باسقان قادامىڭىزدىڭ ەلۋ بەسىنشى شا­قىرىمى قورا شاتقالىنا كە­لىپ تىرەلەدى. بۇل جوڭعار الاتاۋ­ى­نا سۇعىنا كىرىپ, ۇلى تاۋ­لار ەتە­گىنە ورانعانىڭىزدى بىل­دى­رە­تىن تاس قاقپا ىسپەتتى. قورا شات­قا­­­لىنىڭ كىرەبەرىسىندە تۇرعان, جۇ­­­رت قاسيەتتى تاس دەپ سانايتىن بۋد­­دانىڭ سۋرەتى تۋرالى ال­دىڭ­عى جازبامىزدا ايتتىق. جال­پى, دە­­مالىس ىزدەگەن ادامعا جول بوي­ىن­­داعى قىزىقتان گورى سار­قى­را­ما­­نىڭ سالقىن سۋى مەن تىلسىم اسە­رى تاڭسىق دەپ ويلايمىز.

سونىمەن, بۇرحانبۇلاق نەسى­مەن باۋرايدى؟ مۇنى از سوز­بەن تۇسىندىرۋگە تىرىسايىق. باس­تىسى – ازياداعى ەڭ بيىك سارقىرامانىڭ ءبىرى. باستاۋىن جوڭعار الاتاۋىنىڭ جوتاسىن­دا­عى مۇزدىقتاردان العانىمەن, جەر استى سۋ كوزدەرىنىڭ مول­دىعى سارقىراما سۋىنىڭ مول­دىر­­­لىگى مەن تازالىعىنا كەپىلدىك بە­­رەدى. سارقىرامانىڭ ءوزى تە­ڭىز دەڭگەيىنەن 2000 مەتر بي­ىك­­­تىكتە ورنالاسقاندىقتان, سۋ اعى­سىنىڭ كۇشى ءبىرشاما قۋات­تى. تاستان قۇلاي اققان التىن كو­­بىك­تى اعىننىڭ ۇزىندىعى 50 شا­قىرىمعا دەيىن جەتەدى دەي­دى. نە­گىزىنەن, بۇرقانبۇلاق تابي­عات­تىڭ ءوزى جاساعان سۋ قويماسى سي­ياق­تى. سارقىراما ارناسىنا 255 شا­قى­رىمعا جەتەتىن سۋ جينالادى دە­گەن دەرەك بار. جوتانى جاعالاي اق­قان سۋ تاۋدىڭ ارعى بەتىندەگى جار­كەنت وڭىرىنە دەيىن جەتىپ, ۇسەك وزەنىنە بارىپ قۇيادى.

ءاسىلى, سىلدىراپ اققان سۋ­دىڭ دىبىسى مەن سامالداپ ەس­كەن سالقىن لەپ ءارى اينالا مۇك باس­قان تاستاردىڭ تىلسىم تىل­سىز­­­دىگى قالا شۋىنان قاشىپ, جۇي­كە تىنىشتىعىن اڭساعان ادامعا تاپتىرمايتىن دەمالىس بولسا كە­رەك. مۇنان بولەك, بۇر­حان­بۇ­لاق­تىڭ سۋىنىڭ قۇرامى كۇكىرت پەن سۋتەگى ەلەمەنتتەرىنە باي ەكەن. دەمەك ەمدىك قاسيەتى دە بار ەكەنى داۋسىز.

جالپى, بۇرحانبۇلاقتىڭ كە­رە­مەتىنە ءبىزدىڭ جازۋىمىزشا تام­سانباي, تۋرالاپ كەلىپ كورگەن دۇ­رىس شىعار. ول ءۇشىن تەكەلى قا­لا­سى­نا ات باسىن بۇرىڭىز. ايت­پاق­شى, بۇرحانبۇلاققا جەتۋدە از­داعان قيىندىق كەزدەسۋى مۇمكىن. تاۋ جوتالارىنىڭ اراسىنداعى قيا جولداردا تەك ارناۋلى تەحنيكا عانا جۇرەدى. جاقىندا وسى ماڭ­دا جول تاڭدامايتىن كو­لىك اۋ­دارىلىپ, جولاۋشىلار قۇت­قا­رۋشىلاردىڭ كومەگىنە ج­ۇ­گىن­گەن بولاتىن. بىراق بەتىڭىز قاي­ت­پا­سىن, تابيعاتتىڭ تۇمسا بول­شە­گىن كوزبەن كورۋ ءۇشىن قانداي دا بولسىن تاۋەكەلگە بارۋعا بولار...

قالماحانبەت مۇقامەتقالي,

«ەگەمەن قازاقستان»

الماتى وبلىسى