nurotan.kz
وعان «نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ, اقپارات جانە كوممۋنيكاتسيالار ۆيتسە-ءمينيسترى دينارا ششەگلوۆا, «اتامەكەن» ۇكپ اقپاراتتىق-كوممۋنيكاتسيالىق تەحنولوگيالار, ءبىلىم بەرۋ جانە يننوۆاتسيالار كوميتەتىنىڭ توراعاسى بولات باشەەۆ جانە تسيفرلاندىرۋ سالاسىنىڭ بىلىكتى ماماندارى قاتىستى.
تسيفرلاندىرۋ تاقىرىبى قازاقستان ءۇشىن وتكىر ءارى ماڭىزدى تاقىرىپ ەكەنى بارىمىزگە ايقىن. سول سەبەپتى «تسيفرلى قازاقستان» تۇجىرىمداماسى نەگىزىندە قابىلدانعان ءىس-شارالاردى جۇزەگە اسىرۋ كەزىندە تۋىنداعان ماسەلەلەردى شەشۋ ءۇشىن سالانى جەتىك مەڭگەرگەن ماماندارمەن ءجيى پىكىر الماسۋدى ءجون كوردىك. بۇگىن پارتيا ۇسىنعان ەركىن پىكىرتالاس الاڭىندا قازاقستاندى تسيفرلاندىرۋ ماسەلەسىن تالقىلاپ قانا قويماي, ماماندار تاراپىنان ناقتى شەشىمدەر مەن ۇسىنىستار كۇتەمىز, دەگەن ماۋلەن اشىمباەۆ تسيفرلاندىرۋدىڭ ەڭبەك ونىمدىلىگى مەن جۇمىس ساپاسىن ارتتىرىپ, جالپى كەز كەلگەن ءونىمدى شىعارۋ بارىسىندا كەزدەسەتىن قيىندىقتاردىڭ الدىن الۋعا كومەكتەسەتىنىن جەتكىزدى. سونداي-اق ەگەر ەلىمىزدە تسيفرلاندىرۋ بويىنشا مىندەتتەلگەن ماسەلەلەر مەن جوسپارلانعان جوبالار تولىققاندى جۇزەگە اسسا, قازاقستاندىقتار قولداناتىن مەملەكەتتىك جانە جەكەمەنشىك قىزمەت تۇرلەرى ارتىپ, جاڭا كاسىپورىندار اشىلماق. «نۇر وتان» پارتياسى دا تسيفرلاندىرۋ جوباسىنىڭ تەزىرەك جۇزەگە اسۋىنا مۇددەلى. وسى ورايدا پارتيا باستاماسىمەن قازاقستان بويىنشا قولعا الىنعان 1000 ءىت-سىنىپ باعدارلاماسى تۋرالى ايتا كەتۋ كەرەك. بۇگىندە ءار وبلىستان اشىلعان بۇل باعدارلامالار ارقىلى جاس جەتكىنشەكتەرگە 3 D مودەلدەۋ, باعدارلامالاۋ نەگىزدەرى, روبوتتىتەحنيكا فاكۋلتاتيۆتىك نەگىزدە تەرەڭدەتىپ ۇيرەتىلۋدە. سونداي-اق «نۇر وتان» پارتياسى كەلەشەكتە «اتامەكەن» ۇكپ-مەن بىرىگە وتىرىپ, ءار ايماقتاردان سالا ماماندارىن دايىندايتىن 20 ءىت-ورتالىق اشۋدى كوزدەپ وتىر.
اقپارات جانە كوممۋنيكاتسيالار ۆيتسە-ءمينيسترى دينارا ششەگلوۆا تسيفرلاندىرۋدى جۇزەگە اسىرۋ بويىنشا پيلوتتىق جانە كۇندەلىكتى رەجىمدە اشىلعان 120 جوباعا ارالىق باعا بەرىپ ءوتتى. ونىڭ ايتۋىنشا, جوبالار پيلوتتىق جۇيەدە جۇزەگە اسىرىلسا دا, ولاردىڭ تيىمدىلىگى الدەن-اق بايقالۋدا. سول سەبەپتى ولاردى وزگە ايماقتاردا جولعا قويۋ جۇمىستارى جۇرگىزىلۋدە.
«تسيفرلى قازاقستان» تۇجىرىمداماسى اياسىندا حالىققا پايدالى, ەكونوميكاعا ءتيىمدى كوپتەگەن جوبالار ءوزىنىڭ جۇزەگە اسۋىن كۇتۋدە. وسى ورايدا, پىكىرتالاس سوڭى قازاقستاننىڭ ءىت-قاۋىمداستىعى مەملەكەتپەن, پارتيامەن جۇمىلا, ء«بىر جەڭنەن قول, ءبىر جاعادان باس شىعارا وتىرىپ», ساپالى ماماندار دايىنداۋى كەرەك دەپ تۇيىندەلدى.
ۆەنەرا تۇگەلباي,
«ەگەمەن قازاقستان»
