شاراعا پرەمەر-ءمينيستردىڭ ورىنباسارى اسقار جۇماعاليەۆ پەن دەنساۋلىق ساقتاۋ ءمينيسترى ەلجان ءبىرتانوۆ, ۆيتسە-مينيستر ولجاس ابىشەۆ جانە جوبانى جۇزەگە اسىرىپ جاتقان حورۆاتيالىق كومپانيا وكىلدەرى قاتىستى. بۇل – دەنساۋلىق ساقتاۋ سالاسىن تسيفرلاندىرۋ ماقساتىندا قولعا الىنعان اۋقىمدى جوبانىڭ ءبىرى. باستى ماقسات – امبۋلاتورلىق ەم-شارالاردىڭ قاعاز كارتوچكاسىن تولىق ەلەكتروندى نۇسقاعا كوشىرۋ. مۇندا بارلىق ستاتيستيكالىق مالىمەتتەر اۆتوماتتى تۇردە جۇيەلەنەدى. دارىگەر الدىنا بارعاندا تەك قانا تولقۇجات كورسەتۋ جەتكىلىكتى, دەيدى ماماندار.
ءوز كەزەگىندە پرەمەر-ءمينيستردىڭ ورىنباسارى ا.جۇماعاليەۆ دەنساۋلىق ساقتاۋ ءمينيسترىنىڭ جۇمىسىنا جوعارى باعا بەردى. «جەرگىلىكتى دەڭگەيدە كومپيۋتەرلەر ساتىپ الىنىپ, اقپاراتتىق جۇيەلەر دامىتىلۋدا. سوندىقتان اتالعان جۇيەلەردىڭ دۇرىس جۇمىس ىستەۋىن قامتاماسىز ەتۋ ماڭىزدى. مۇنى جىلدىڭ اياعىنا دەيىن اياقتاۋ كەرەك. جۇيەنى ىسكە قوسقاننان كەيىن دارىگەرلەر مەن پاتسيەنتتەردى وقىتۋ كەرەك. سونىمەن قاتار ەلەكتروندى پاسپورتتى تولىعىمىن تولتىرۋ قاجەت», دەدى ا.جۇماعاليەۆ.
دينارا بىتىك,
«ەگەمەن قازاقستان»
