بىرنەشە كۇن قاتارىنان «جولداردا سىبايلاس جەمقورلىق دەڭگەيىن تومەندەتۋدىڭ 10 قادامى» اياسىندا قالا جولدارىندا رەيدتىك شارالار ءوتىپ جاتىر.
رەيدكە وبلىستىق «ارنايى مونيتورينگ توبى» مۇشەلەرى قاتىستى.
جەمقورلىقتىڭ الدىن الۋ جۇمىستارىن قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى ۇيىمداستىرىپ وتىر.
ءىس-شارانىڭ ماقساتى – جول پوليتسياسى قىزمەتكەرلەرى مەن جۇرگىزۋشىلەر اراسىندا سىبايلاس جەمقورلىق قۇقىقبۇزۋشىلىقتارى ءۇشىن قىلمىستىق جانە اكىمشىلىك جاۋاپكەرشىلىك بار ەكەنىن ءتۇسىندىرۋ.
«پارا بەرسەڭ جازالاناسىڭ» اتتى پاراقشادا «پارا بەرۋشى 15 جىلعا دەيىنگى مەرزىمگە باس بوستاندىعىنان ايىرۋعا جازالانادى» دەپ ناقتى جازىلعان.
ياعني, تەك پارا مەن زاڭسىز سىياقىلاردى الۋشىلار ەمەس, پارا بەرۋشىلەر دە قىلمىستىق جانە اكىمشىلىك جاۋاپكەرشىلىككە تارتىلادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
