وندا قازاقستان رەسپۋبليكاسىنىڭ 2015 جىلدىڭ 31 قازانىنداعى №381-V زرك «عىلىمي جانە (نەمەسە) عىلىمي-تەحنيكالىق قىزمەتتەر ناتيجەسىن كوممەرتسيالاندىرۋ تۋرالى» زاڭىن جۇزەگە اسىرۋ اياسىندا 2018 جىلعا ارنالعان عىلىمي جانە (نەمەسە) عىلىمي-تەحنيكالىق قىزمەتتەردىڭ ناتيجەسىن كوممەرتسيالاۋ جوبالارىن گرانتتىق قارجىلاندىرۋعا كونكۋرس وتكىزۋ ءۇشىن كونكۋرسقا قوستاناي قالاسى مەن قوستاناي وبلىسىنان الەۋەتتى ءوتىنىش بەرۋشىلەر قاتىسۋىنىڭ رەتى ءتۇسىندىرىلدى. بۇل قوردىڭ وتكىزگەلى وتىرعان ءۇشىنشى كونكۋرسى ەكەن. الدىڭعى ەكى كونكۋرستىڭ ناتيجەلەرى بويىنشا جوبالار ىسكە اسىپ تا ۇلگەرىپتى.
«2016 جىلدان بەرى ەكى كونكۋرستا 96 جوبا جۇزەگە استى. قازىر كونكۋرستان گرانت ۇتقان جويۋالار بويىنشا اقمولا, قاراعاندى وبلىستارىندا وندىرىستەر جۇمىس ىستەپ جاتىر. كونكۋسقا 44 باعىت بويىنشا قاتىسۋعا بولادى. ەگەر جوبا گرانتتى ۇتقان جاعدايدا 300 ميلليون تەڭگەگە دەيىن بيۋدجەتتەن قاراجات بولىنەدى, ونىڭ سىرتىندا جوبا ناتيجەسى بويىنشا ينۆەستيا تارتۋعا بولادى» دەيدى «عىلىم قورى» اكتسيونەرلىك قوعامىنىڭ جوبالار ديرەكتسياسىنىڭ جەتەكشىسى ارمان اشكين.
وكىنىشكە قاراي قوستاناي وبلىسى عالىمدارى مەن كاسىپكەرلەرىنىڭ ىرلەسكەن جوباسى ءالى گرانت ۇتىپ الا الماعان. وتكەن كونكۋرستارعا 5 جوبا قاتىسقان. قازىر الماتى عالىمدارى ۇسىنعان گەولوگيا سالسىنداعى ءبىر جوبا قوستاناي وبلىسىنداعى جىتىقارا اۋدانىندا جۇزەگە اسىرىلۋى ءتيىس.
ءنازيرا جارىمبەت,
«ەگەمەن قازاقستان»
قوستاناي
