ارال ءوڭىرى بالىقشىلارىنىڭ ءىV سلەتىنە وبلىس اكىمى قىرىمبەك كوشەرباەۆ, قر پارلامەنت ءماجىلىسى دەپۋتاتتارى, اۋىل شارۋشىلىعى مينيسترلىگىنىڭ, حالىقارالىق ارالدى قۇتقارۋ قورىنىڭ وكىلدەرى, سالا ارداگەرلەرى جانە اقتوبە, جامبىل, تۇركىستان, ماڭعىستاۋ وبلىستارى مەن رەسەي فەدەراتسياسىنان دەلەگاتسيالار كەلدى. ەستەرىڭىزگە سالا كەتەيىك, ۋليانوۆسك وبلىسىنىڭ دميتروۆگراد قالاسىندا ارالدىڭ بالىعىن وڭدەيتىن زاۋىت سالىنعان.
«ەلباسىنىڭ باستاماسىمەن جۇزەگە اسقان «عاسىر جوباسى» اتانعان ارال تەڭىزىنىڭ سولتۇستىك بولىگىن ساقتاۋ جوباسى اياسىندا اتقارىلعان اۋقىمدى شارالار ناتيجەسىندە, ارال ءوڭىرىنىڭ اتا كاسىبى – بالىق شارۋاشىلىعى سالاسى جاڭا دەڭگەيگە كوتەرىلىپ, قارقىندى دامۋدا. قاسيەتتى سىر ەلى ءوزىنىڭ جەر استى بايلىعى – مۇناي, ۋران, ءتۇرلى-ءتۇستى مەتالدار, اق كۇرىشى, ءتورت-ت ۇلىك مالىمەن بىرگە ارال بالىعىمەن ماقتانا الاتىنداي بەرەكەلى, قۇتتى مەكەنگە اينالۋدا. كوپ جىل ۇمىت بولىپ, بۇگىندە داستۇرگە اينالعان بالىقشىلار سلەتىنىڭ نەگىزگى ماقساتى – سالانىڭ جاڭا زامانداعى الار ورنى جايلى وي سالۋ, وسى كاسىپتى دامىتۋدىڭ جولدارى تۋرالى پىكىر الماسۋ», - دەدى وبلىس اكىمى.
اتاپ وتەيىك, بۇگىندە ارال تەڭىزىنەن جىلىنا 8 مىڭ تونناعا دەيىن بالىق اۋلانادى. سوڭعى 5 جىلدا ايماقتاعى بالىق اۋلاۋ كورسەتكىشى 2 ەسەگە ارتقان. 2013 جىلدان بەرى بالىق ونىمدەرىن وڭدەيتىن 4 زاۋىت سالىنسا, ونىڭ 4-ەۋى ونىمدەرىن ەۋروپا ەلدەرىنە ەكسپورتتاۋعا مۇمكىندىك بەرەتىن ەۋروكودقا يە.
بالىق ونىمدەرى رەسەي, گرۋزيا, ءازىربايجان, دانيا, پولشا مەن قىتاي ەلدەرىنە ەكسپورتتالىپ جاتىر. 2012 جىلمەن سالىستىرعاندا بۇل كورسەتكىش 8 ەسەگە ارتتى. 2018 جىلدىڭ ءى جارتىجىلدىعىندا بالىق ونىمدەرىن ەكسپورتتاۋدا 32%-عا ءوسىم بايقالدى.
سلەت بارىسىندا بالىق شارۋاشىلىعىنىڭ دامۋىنا ايرىقشا ۇلەس قوسقان ازاماتتار مەن ەڭبەك ارداگەرلەرى اۋىل شارۋاشىلىعى مينيسترلىگى مەن وبلىس اكىمىنىڭ العىس حاتىمەن, قۇرمەت گراموتاسىمەن جانە مەدالدارمەن ماراپاتتالدى.
ەستەرىڭىزگە سالا كەتەيىك, اعىمداعى جىلدىڭ ناۋرىزىندا ۇكىمەت باسشىسى باقىتجان ساعىنتاەۆتىڭ وبلىسقا جاساعان ساپارىندا ايماقتاعى بالىق شارۋاشىلىعىنىڭ جاعدايى جانە ارالدا وتكەن ارنايى ماجىلىستە «سىرداريا وزەنىنىڭ ارناسىن رەتتەۋ جانە ارال تەڭىزىنىڭ سولتۇستىك بولىگىن ساقتاۋ» (ساراتس-2) جوباسىنىڭ ەكىنشى فازاسىنىڭ ىسكە اسىرىلۋ بارىسى كەڭىنەن تالقىلانعان بولاتىن. ناتيجەسىندە ساراتس-2 جوباسىنىڭ ەكىنشى فازاسىنىڭ 4 كومپونەنتىن رەسپۋبليكالىق بيۋدجەت ەسەبىنەن ىسكە اسىرۋ جونىندە شەشىم قابىلداندى.
قىزىلوردا سۋ تورابىن كەشەندى جوندەۋ, جالاعاش, قارماقشى اۋداندارىندا وزەننىڭ قورعانىس بوگەتتەرىن نىعايتۋ جانە ارناسىن تۇزەتۋ, قازالى اۋدانىندا بىرلىك ەلدىمەكەنىنىڭ تۇسىندا كوپىر سالۋ جۇمىستارى باستالىپ كەتتى. سونىمەن قاتار, بالىقشىلاردىڭ ءوتىنىشى بويىنشا كوكارال بوگەتىن نىعايتۋ جانە «قاراشالاڭ» مەن «تۇششى» كولدەرىنىڭ تۇسىندا وزەننىڭ اتىرابىن قالپىنا كەلتىرۋ جونىندە دە ءتيىستى شەشىمدەر قابىلداندى. بۇل شارالار – كوكارال بوگەتىن نىعايتۋعا, سولتۇستىك ارال تەڭىزىنىڭ سۋ اينالىمىن قالىپتاستىرۋعا, تەڭىزدىڭ تۇزدانۋىن تومەندەتۋگە جانە بالىقتاردىڭ ۇلكەن ارال تەڭىزىنە كەتۋىن ازايتۋعا مۇمكىندىك بەرەدى.
وتكەن جىلى ورتالىق ازيا ەلدەرى وكىلدەرىنىڭ قاتىسۋىمەن قىزىلوردادا ۇيىمداستىرىلعان ءبىرىنشى ارال حالىقارالىق تۇراقتى دامىتۋ فورۋمى بارىسىندا حالىقارالىق ارالدى قۇتقارۋ قورىنىڭ قۇرىلعان كۇنى 26 ناۋرىز – «ارال تەڭىزىنىڭ كۇنى» بولىپ جاريالانعان بولاتىن. بيىل حالىقارالىق ارالدى قۇتقارۋ قورىنىڭ 25 جىلدىعى اياسىندا العاش رەت «ارال تەڭىزىنىڭ كۇنى» وبلىستا سالتاناتتى تۇردە اتالىپ ءوتىلدى.
