بۇل – كەيىنگى ون جىلدا بولعان ەڭ قايعىلى اپاتقا اينالىپ وتىر. اسىرەسە, وكايااما, حيروشيما جانە يااماگۋچي ايماقتارى وراسان زالالعا ۇشىراعان.
ايتا كەتۋ كەرەك, سوڭعى رەت سۋ تاسقىنىنان مۇنشالىقتى كوپ ادام 1982 جىلى قازا تاپقان بولاتىن. توتەنشە اپاتتان زارداپ شەككەندەردى قۇتقارۋ جۇمىسىنا 75 مىڭنان استام ادام جۇمىلدىرىلعان. ولاردىڭ قاتارىندا ءورت سوندىرۋشىلەر, اسكەريلەر دە بار. ءتىپتى, جاپونيانىڭ پرەمەر-ءمينيسترى سيندزو ابە دە شەت ەلگە ءىسساپارىن كەيىنگە قالدىرىپ, تاسقىننىڭ سالدارىمەن كۇرەسۋگە بەل شەشە كىرىسىپ كەتتى.
BBC ارناسىنىڭ حابارلاۋىنشا, تاسقىن بولعان اۋماقتاردا جاۋىن ادەتتەگىدەن بىرنەشە ەسە كوپ جاۋعان. سوندىقتان تاسقىن سۋ بوي بەرمەي, تالاي جاننىڭ ءومىرىن جالماعان كورىنەدى.
