ويتكەنى استاناداعى بايقاۋدىڭ باسقا بايگەلەرمەن سالىستىرعانداعى نەگىزگى ەرەكشەلىگى – ۇلتتىق يدەياسى ايقىن تانىلعان فيلمدەرگە باسىمدىق بەرۋ, ءون بويىنان تەك سول حالىققا ءتان وزىندىك ءومىر سالتى مەن رۋحاني قۇندىلىعى كورىنگەن كارتينالاردى ەكشەپ شىعارۋ. ءبىر اپتاعا سوزىلعان بايگەدە مۇنداي تالاپ ۇدەسىنەن شىققان شىمىر تۋىندىلار از بولعان جوق.
XIV حالىقارالىق «ەۋرازيا» كينوفەستيۆالىنىڭ ءباسپاسوز قىزمەتىنىڭ مالىمەتىنە سۇيەنسەك, بيىلعى بايگەنىڭ كونكۋرستىق جانە كونكۋرستان تىس باعدارلاماسىنا 1000 ءوتىنىم كەلىپ تۇسكەن. ورتالىق ازيانى قوسقاندا, كۇللى الەمنەن كونكۋرسقا – 12 تولىق مەتراجدى كارتينا, قىسقا مەتراجدى فيلمدەردىڭ كونكۋرسىنا – 36 كارتينا, «كەرۋەنگە» – 9 كارتينا, «ەۋرازيا جۇرەگىندە» كونكۋرسىنا – 9 كارتينا, «نەتپاك تاڭداۋىنا» – 3 كارتينا, «بۇكىل الەمدە» كونكۋرسىنا – 10 كارتينا, «ەرەكشە وقيعاعا» – 7 كارتينا, «وبەكتيۆ» دەرەكتى كينو باعدارلاماسىنا – 12 دەرەكتى فيلم كەلىپ ءتۇسىپ, كونكۋرستىق جانە كونكۋرستان تىس باعدارلاماعا بارلىعى 98 كارتينا قاتىسقان. ونىڭ ىشىندە 21 فيلم – قازاقستان ءونىمى.
بيىلعى كينوفەستيۆالدىڭ قۇرمەتتى قوناقتارىنىڭ ساپىندا ايگىلى فرانتسۋز اكتيورى ۆەنسان كاسسەل, يۋگوسلاۆ جانە سەربيالىق كينورەجيسسيور, اكتەر ەمير كۋستۋريتسا, «ايكا» فيلمىندەگى ءرولى ءۇشىن 71-كانن كينوفەستيۆالىنىڭ «ۇزدىك ايەل اكتريسا» سىيلىعىن يەلەنگەن سامال ەسلياموۆا, رەسەيلىك تەاتر جانە كينو اكتريساسى راۆشانا كۋركوۆا, رەسەيلىك تەاتر جانە كينو رەجيسسەرى سەرگەي پۋسكەپاليس پەن اننا مەليكيان, وزگە دە كينو جۇلدىزدار, حالىقارالىق كينوفەستيۆالدەردىڭ جەتەكشىلەرى, ەۋروپا, ازيا, افريكا, امەريكاداعى كينو سالاسىنىڭ بەلگىلى ساراپشىلارى مەن سىنشىلارى, مادەنيەت قايراتكەرلەرى بولدى. فرانتسيا, سەربيا, وڭتۇستىك كورەيا, تۇركيا, يران, اقش, وزبەكستان, رەسەي, جاپونيا, قىتاي, گونكونگ, ءۇندىستان, تاعى باسقا شەت مەملەكەتتەردەن كەلگەن دەلەگاتسيالار قۇرامىنداعى 160 الەمدىك كينو ونەرىنىڭ مايتالماندارى استانانىڭ 20 جىلدىق مەرەيتويىنا قاتىسىپ, ۇلتتىق مادەنيەتىمىز بەن ءوز اجارى قالىپتاسقان كينو ونەرىمەن تانىسۋدىڭ مۇمكىندىگىنە كەنەلدى. اپتا بويى XIV حالىقارالىق «ەۋرازيا» كينوفەستيۆالىنە ۇكىلەپ قوسقان ءار ءفيلمدى ۇمىتپەن تاماشالاپ, بەيتانىس ەلدەردەگى كينونىڭ دامۋى مەن دەڭگەيىنە ءوز باعاسىن بەرىپ, وي ءتۇيدى.
ورتالىق كونتسەرت زالىندا وتكەن جابىلۋ سالتاناتىندا قازىلار القاسى جەڭىمپازداردىڭ ەسىمىن جاريالادى. بىردەن ايتا كەتۋ كەرەك, بيىلعى بايگەدە قازاقستان كارتينالارى مەن رەجيسسەرلەرىنىڭ باعى جانبادى. نەگىزگى كونكۋرس بويىنشا گران-پري رەجيسسەر م.گارەل ۆايستىڭ «ساۋىق كەشى اياقتالدى» فيلمىنە (فرانتسيا) بەرىلدى. «ۇزدىك رەجيسسەرلىك جۇمىس» جۇلدەسىن «اگا» ءفيلمى ءۇشىن ميلكو لازاروۆ (بولگاريا, گەرمانيا, فرانتسيا) يەلەندى. «قازىلار القاسىنىڭ ارنايى سىيلىعىن» ەكى فيلم: رەجيسسەر ماريا ءحاتچانيدىڭ (گرۋزيا) «انا» («دەدە») ءفيلمى مەن وڭتۇستىككورەيالىق رەجيسسەر حيدجە دجونگتىڭ «اۆتوستوپ قۋشى» ءفيلمى جەڭىپ الدى. ال وزبەكستان كينوسىنىڭ بۇگىنگى جارىق جۇلدىزى اكتەر كاريم ميرحاديەۆ «قايسارلىق» فيلمىندەگى ءرولى ءۇشىن «ۇزدىك ەر ادام» اتانسا, «ۇزدىك ايەل بەينەسى» «اننا سوعىسىنداعى» ءرولى ءۇشىن رەسەيلىك مارتا كوزلوۆاعا بۇيىردى.
قىسقا مەتراجدى فيلمدەردىڭ كونكۋرسىنداعى گران-پريمەن رەجيسسەر سۋبورنا سەنجۋتيدىڭ ء(ۇندىستان, بانگلادەش) «بالىقتار مونولوگى» ءفيلمى جانە «قازىلار القاسىنىڭ ارنايى نازارى» جۇلدەسىمەن رەجيسسەر يگور ءپوپلاۋحيننىڭ «كۇنتىزبە» ءفيلمى ماراپاتتالسا (رەسەي), «نەتپاك تاڭداۋى» رەجيسسەر ە.ستيشكوۆتىڭ (رەسەي-قىرعىزستان-پولشا) «سۇلەيمەن تاۋى» فيلمىنە جانە فيپرەسسي تاڭداۋى دا ە.ستيشكوۆتىڭ «سۇلەيمەن تاۋى» فيلمىنە ءتۇستى.
سونداي-اق «كينونارىق» اياسىندا 3 شىلدە كۇنى ەۋرازيا جوبالار نارىعى ءوز جۇمىسىن اياقتادى. بۇل جوباعا 31 ستسەناري كەلىپ ءتۇستى, ونىڭ ىشىنەن ءارى قاراي كونكۋرستا باق سىناۋ ءۇشىن 10 ستسەناري ىرىكتەلدى. كينوفەستيۆال اياسىندا 2-EurasiaFilmMarket كينو نارىعى ءوتتى. وعان 70 كينوكومپانيا قاتىستى. ونىڭ 30-ى شەتەلدىك بولسا, قالعان 40-ى قازاقستاندىق كومپانيا. ەۋرازيا جوبا نارىعىنىڭ قورىتىندىسى بويىنشا قازىلار القاسى قاتىسۋشىلار اراسىنان ەكى باستى سىيلىقتى انىقتادى. NewYorkFilmAcademy, ياعني امەريكا كينواكادەمياسىنا ەكى ايلىق تاعىلىمدامادان ءوتۋ سىيلىعى «ىستىق كۇن, سالقىن سىرا» ء(امىر امەنوۆ, قازاقستان) مەن «جالعىز قايىڭ» (دالميرا تىلەپبەرگەن, قىرعىزستان) جوبالارىنا بەرىلدى. ەكىنشى سىيلىق – «ەۋرازيا» حكف-ءنىڭ دەلەگاتسياسىمەن بىرگە «ا» ساناتىنداعى كينوفەستيۆالعا بارۋ «شەكارا» (اسحات كۋچينچيرەكوۆ, قازاقستان) فيلمىنە بۇيىردى. بۇدان بولەك, قازىلار القاسى «الچيكي» (ارتۋر ۆەەبەر, قىرعىزستان-رەسەي) جوباسىن دا ەرەكشە اتاپ ءوتتى. سونداي-اق XIV حالىقارالىق «ەۋرازيا» كينوفەستيۆالىنىڭ اياسىندا وتاندىق كينەماتوگرافيانىڭ زاڭ جوباسى تالقىلانعان دوڭگەلەك ۇستەل ءوتتى.
ايگۇل احانبايقىزى,
«ەگەمەن قازاقستان»
