ۇكىمەت • 12 شىلدە، 2018

ينۆەستيتسيالىق ىنتىماقتاستىق نىعايا تۇسەدى

185 رەتكورسەتىلدى

ۇكىمەت باسشىسى باقىتجان ساعىنتاەۆ ەلىمىزگە جۇمىس ساپارىمەن كەلگەن شۆەيتساريانىڭ فەدەرالدىق كەڭەسشىسى جانە ەكونوميكا، ءبىلىم بەرۋ جانە زەرتتەۋلەر فەدەرالدى دەپارتامەنتىنىڭ باسشىسى يوحانن شنايدەر-اممانمەن كەزدەسىپ، قازاقستان مەن شۆەيتساريانىڭ ينۆەستيتسيالىق ىنتىماقتاستىعىنىڭ كەلەشەگىن تالقىلادى. 

ەكەۋارا كەزدەسۋدە ب.ساعىن­تاەۆ ەلىمىزدىڭ ەنەرگەتيكا، كولىك، شا­عىن جانە ورتا بيزنەس سالا­لار­ىنداعى تىعىز ءارى ءوزارا ءتيىم­دى ىنتىماقتاستىققا، سونداي-اق جاڭا تەحنولوگيالار مەن نوۋ-حاۋ ترانسفەرتىن رەتتەۋگە قىزىعۋ­شى­لىق تانىتاتىنىن اتاپ ءوتتى. بۇ­گىنگى تاڭدا قازاقستاندا شۆەي­تسا­ريا­لىق كومپانيالاردىڭ قاتى­سۋىمەن ماشينا جاساۋ، قۇرىلىس، اگروونەركاسىپ جانە تاۋ-كەن مەتاللۋرگيا كەشەندەرى سالالارىنداعى جوبالار ءساتتى ىسكە اسىرىلۋدا.

سونىمەن قاتار پرەمەر-مي­نيستر ەلىمىزدە شە­تەل­دىك ينۆەستور­لار ءۇشىن ەلەۋلى سالىقتىق جانە كەدەندىك جەڭىل­دىك­تەر مەن قولايلى ينۆەستيتسيالىق احۋال جاسالعانىن ايتتى.

اتاپ وتەرلىگى، 2017 جىلدىڭ با­سىنان بەرى ەلىمىزدە شۆەيتساريا ازاماتتارى ءۇشىن 30 كۇندىك ۆيزاسىز رەجىم ەنگىزىلدى. قابىلدانعان شارالار الداعى جىلدارى قازاق­ستان ەكونوميكاسىنا ينۆەستيتسيا­لار سالىپ، تەحنولوگيالار ترانس­فەرتىن جۇزەگە اسىرۋشى شۆەي­تساريا كاسىپورىندارى قاتارىن ۇلعايتۋعا جول اشادى.

ال قازاقستان مەن شۆەي­تسا­ريا­نىڭ ىسكەرلىك كەڭەسىنىڭ اياسىندا بۇقارالىق اقپارات قۇرالدارى وكىلدەرىنە سۇحبات بەرگەن يوحانن شنايدەر-اممان قازاقستاننىڭ ستراتەگيالىق ارىپتەس رەتىندە شۆەي­تساريادا جوعارى باعالانا­تىندىعىن اتاپ ءوتتى. سونداي-اق دوستىق پەن سەنىمگە نەگىزدەلگەن قارىم-قاتىناستار اياسىندا ەكى ەلدىڭ بيزنەس وكىلدەرىنىڭ ءوزارا ءتيىمدى كەلىسىمدەرگە قول جەتكىزۋ ىقتيمالدىعىنا توقتالىپ ءوتتى.

– شۆەيتساريالىق بيزنەس وكىلدەرىنىڭ قازاقستانعا قىزىعۋ­شى­لىعى جوعارى. مەن قازاقستانعا وسى­دان بەس جىل بۇرىن العاش رەت كەل­گەنىمدە ادامداردىڭ ساناسى وڭ وز­گەرىستەرگە بەيىم ەكەندىگىنە، بو­لاشاققا زور ۇمتىلىستارىنا كوز جەتكىزگەن بولسام، بۇل جولعى ساپارىمدا ەلدە كاسىپكەرلىك رۋحىنىڭ قالىپتاسىپ، كەمەلدەنگەندىگىنە كۋا بولىپ وتىرمىن. كەشە اقتاۋ پورتىنا بارعاندا ەل دامۋىنىڭ شىنايى بەت-بەينەسىن كورگەندەي بولدىم. مىنە، قازاقستاننىڭ وسى جەتىستىكتەرى شۆەيتساريا بيز­نەسىنىڭ كەلۋىنە جول اشادى، – دەدى يوحانن شنايدەر-اممان.

جالپى، وتكەن جىلدىڭ قورى­تىن­دىسى بويىنشا قازاقستان مەن شۆەيتساريا اراسىنداعى تاۋار اينالىمى 3،2 ملرد اقش دوللارىن قۇرادى، بۇل كورسەتكىش 2016 جىلعا قاراعاندا 21 پروتسەنتكە ارتىق. ال 2018 جىلدىڭ قاڭتار-مامىر ايلارىندا تاۋار اينالىمى 1،14 ملرد دوللاردى قۇراعان.

وعان قوسا 2005–2017 جىلدارى شۆەيتساريادان قازاقستانعا تىكەلەي ينۆەستيتسيالاردىڭ جالپى اعىنى 20،6 ملرد اقش دوللارىنا جەتكەن. 1 مامىرداعى جاعداي بويىنشا ەلىمىزدە شۆەي­تساريا­لىقتاردىڭ قاتىسۋمەن 436 زاڭدى تۇلعا، بولىمشەلەر مەن وكىلدىكتەر تىركەلگەن.

يوحانن شنايدەر-اممان 2016 جىلى شۆەيتساريا پرەزيدەنتى لاۋازىمىن اتقارعان تۇلعا. سونداي-اق ءار جىلدارى شۆەيتساريانىڭ ماشينا جاساۋ، ەنەرگەتيكا جانە باسقا دا ماڭىزدى سالالارىنداعى ازۋلى كومپانيالاردى باسقارعان.

سەرىك ابدىبەك،

«ەگەمەن قازاقستان»

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار