«دەنساۋلىقتى ساقتاۋ - بۇل الدىن الۋ شاراسى. ءبىز مۇندا بۇقارالىق سپورتتى, ونىڭ ىشىندە مۇمكىندىگى شەكتەۋلى ادامدار ءۇشىن دە دامۋدى قوسامىز. ءبيىل بىز جالپى اۋماعى 115 گەكتار بولاتىن قوسىمشا 2 ساياباق پەن 9 گۇل باعىن سالامىز. جۇمىس ىستەپ تۇرعان جانە جاڭادان سالىنعان ساياباقتار مەن گۇلباقتارىندا مىندەتتى تۇردە ۆەلوسيپيەدكە جانە جۇگىرۋگە ارنالعان جولدار جاسايمىز, بارلىق اۋلالاردا سپورتتىق قۇرىلعىلار بولادى. ءبىز بۇقارالىق سپورتپەن اينالىسۋ ءومىر ساپاسىن ايتارلىقتاي جاقسارتاتىندىعىن جانە ادامداردىڭ از اۋرۋىنا سەپ بولاتىندىعىن كورىپ وتىرمىز. ءبىز بۇل جۇمىستاردى ودان ءارى دە جالعاستىرامىز», - دەدى اسەت يسەكەشەۆ.
ايتا كەتەيىك, 1 شىلدەدە مەملەكەت باسشىسى قالاداعى جاڭا نىساندارمەن تانىسۋ بارىسىندا ەلوردانىڭ 20 جىلدىعىنا وراي الماتى وبلىسى قايتا جوندەۋدەن وتكىزگەن «جەتىسۋ» ساياباعىنا باردى. سونىمەن قاتار, نۇرسۇلتان نازارباەۆ قالانىڭ الماتى اۋدانىندا ورنالاسقان «جەرۇيىق» ساياباعىن ارالاپ كوردى. وندا ەلباسىنا 19 جىل بۇرىن ءوزى وتىرعىزعان العاشقى اعاش كورسەتىلدى.
