قازاقستان رەسپۋبليكاسىنىڭ كەدەن زاڭناماسىنىڭ تالاپتارىنا سايكەس شەت مەملەكەتتەردەن (ەۋرازيالىق ەكونوميكالىق وداققا كىرمەيتىن) جەتكىزىلگەن اۆتوكولىكتەردى شەكتەۋسىز پايدالانۋعا تەك كەدەندىك دەكلاراتسيالاۋدان جانە كەدەندىك باجدار مەن سالىقتاردى تولەۋدەن وتكەننەن كەيىن جول بەرىلەدى.
«وسى كەدەن زاڭناماسىنىڭ تالاپتارىنا قاراماستان, قازىرگى تاۋەلسىز نارىقتا موڭعول حالىق رەسپۋبليكاسىنان كەدەندىك زاڭنامالار ساقتالماعان اۆتوكولىكتەر شىعارىلعان. ىشكى ىستەر ورگاندارىنا تىركەلۋ ءۇشىن قۇقىقبۇزۋشىلار جالعان كەدەن قۇجاتتارىن پايدالانعان», دەلىنگەن حابارلامادا.
رەسەي فەدەراتسياسىنىڭ جانە قازاقستان رەسپۋبليكاسىنىڭ اقپاراتتىق جۇيەلەرىنىڭ دەرەكتەر بازاسىن تەكسەرۋ ناتيجەلەرى بويىنشا زاڭسىز قىلمىستىق جوسپار قۇرىلعان, سونداي-اق قازاقستان رەسپۋبليكاسى ىشكى ىستەر مينيسترلىگىندە كولىك قۇرالدارىن تىركەۋ تۋرالى مالىمەتتەر بايقالعان. كوبىنەسە 2001-2010 جىلدارى شىققان, سولتۇستىك كورەيادا جاسالعان اۆتوكولىكتەر كەدەننەن وتكەن.
«قازىرگى تاڭدا كونتراباندالىق كولىكتەردى ۇستاۋ ءۇشىن, مەملەكەتتىك بيلىك ورگاندارى كەدەندىك باج سالىقتارىن تولەۋدى قامتاماسىز ەتۋ بويىنشا شارالاردى قولعا الىپ جاتىر. وسىعان بايلانىستى ءبىز ازاماتتارعا قولدانىلعان اۆتوكولىكتەردى ساتىپ الۋ كەزىندە مۇقيات بولۋعا جانە اۆتوكولىكتىڭ اۋماقتىق ورگاندارىنا حابارلاسۋ ارقىلى ءاۆتوموبيلدى كەدەندىك رەسىمدەۋدەن وتكىزۋلەرىڭىزدى سۇرايمىز», دەلىنگەن حابارلامادا.
