وڭىردەگى قۇلاۋدىڭ از-اق الدىندا تۇرعان مەكتەپتەر ءالى كۇنگە دەيىن وڭالماي كەلەدى. سولاردىڭ ءبىرى تارباعاتايدا بولسا, تاعى ەكەۋى كۇرشىم اۋدانىندا بار.
وسى ۋاقىت ارالىعىندا شقو-دا ءۇش اۋسىمدى وقۋ ورىندارى قالماۋى ءتيىس.
اياگوز اۋدانىنداعى №4 مەكتەپ وبلىس كولەمىندەگى وسى ۋاقىتقا دەيىن ءۇش اۋسىمدى كۇيىندە قالعان جالعىز ءبىلىم وشاعى ەدى. سول سەبەپتى 2017 جىلى قر ۇلتتىق قورىنىڭ ەسەبىنەن 600 وقۋشىعا ارنالعان جاڭا مەكتەپتىڭ قۇرىلىسى باستالعان. وبلىستىق قۇرىلىس, ارحيتەكتۋرا جانە قالا قۇرىلىسى باسقارماسىنىڭ مالىمەتىنە سايكەس, جاڭا ءبىلىم مەكەمەسى تامىز ايىندا تۋىن تىكپەك.
ەستەرڭىزگە سالايىق, ءدال قازىرگى ۋاقىتتا وبلىس كولەمىندە 3820 ورىندىق التى ءبىلىم نىسانىنىڭ قۇرىلىسى ءجۇرىپ جاتىر. ونىڭ بەسەۋى جاڭا مەكتەپ, بىرەۋى مەكتەپكە قوسىمشا عيمارات. وسى جىلى ءۇش جاڭا ءبىلىم وشاعى قاتارعا قوسىلادى.
