40 جاستاعى قاقپاشى پسج كومانداسىمەن 1+1 جۇيەسى بويىنشا كەلىسىمشارتقا قول قويعان. ازىرشە جىلدىق تابىسى ناقتى حابارلانعان جوق. دەگەنمەن La Gazzetta dello Sport باسىلىمىنىڭ جازۋىنشا, بۋففوننىڭ جىلدىق تابىسى 4 ميلليون ەۋرو بولماق.
دجانلۋيدجي «يۋۆەنتۋس» كومانداسىنان كەتەتىنىن مامىر ايىندا مالىمدەگەن بولاتىن. ول يتاليا كلۋبىنىڭ قاقپاسىن 2001 جىلدان بەرى قورعاپ كەلگەن ەدى. بۋففوننىڭ قىزمەتىنە پسج كومانداسىنان بولەك, ارگەنتينانىڭ «بوكا حۋنيورس» كلۋبى دا قىزىعۋشىلىق بىلدىرگەن.
جاڭا سالماقتار قوسىلدى
حالىقارالىق اۋىر اتلەتيكا فەدەراتسياسى (IWF) ەرلەر جانە قىزدار باسەكەسىنە جاڭا سالماق قوستى. ەندى ەرلەر دە, قىزدار دا 10 سالماق دارەجەسى بويىنشا سىنعا تۇسەدى.
جاڭا سالماق كاتەگورياسىن فەدەراتسيا عىلىمي جانە ستاتيستيكالىق مالىمەتتەر بويىنشا نەگىزگە الا وتىرىپ جاساپ شىققان. ءبىر ەرەكشەلىگى, سپورتشىلار حالىقارالىق جارىستارعا بارلىق سالماق دارەجەسى بويىنشا قاتىسقانىمەن, 2020 جىلى توكيودا وتەتىن وليمپيا ويىندارىنا 10 سالماقتىڭ تەك جەتەۋى عانا باق سىنايدى.
ەرلەر اراسىندا 55, 61, 67, 73, 81, 89, 96, 102, 109 جانە 109 كيلودان جوعارى سالماقتاعى سپورتشىلار بارلىق جارىستارعا قاتىسسا, 61, 67, 73, 81, 96, 109 جانە 109 كيلودان جوعارى وليمپيادالىق سالماق بولىپ ەسەپتەلەدى. ال قىزدار اراسىندا 45, 49, 55, 59, 64, 71, 76, 81, 87 جانە 87 كيلودان جوعارى حالىقارالىق, 49, 55, 59, 64, 76, 87 جانە 87 كيلودان جوعارى وليمپيادالىق سالماق بولىپ بەكىتىلدى.
«تۋر دە فرانس» باستالدى
فرانتسيا استاناسى پاريجدە ۆەلوسپورتتان بەيرەسمي «الەم چەمپيوناتى» سانالاتىن «تۋر دە فرانس» باسەكەسى باستالدى. بيىل 105 رەت ۇيىمداستىرىلىپ جاتقان دوداعا ەلىمىزدىڭ اتىنان «استانا» ۆەلوكومانداسى دا قاتىسىپ جاتىر.
ۆەلودودانىڭ العاشقى كەزەڭى جاپپاي سپرينتپەن اياقتالىپ, «استانا» كومانداسىنىڭ كوشباسشىسى ياكوب فۋلسانگ 9-ورىن يەلەنسە, ەكىنشى كەزەڭدە مارەگە 25-ءشى بولىپ كەلدى. ال جارىستىڭ ءۇشىنشى كۇنىندە كوماندالار ۋاقىتقا جارىسىپ, ەلوردا كومانداسى سەگىزىنشى ورىن الدى.
ءۇش كەزەڭنىڭ قورىتىندىسى بويىنشا, جالپى ەسەپتە, فۋلسانگ كوش باسىندا كەلە جاتقان گرەگ ۆان اۆەرماتتان 51 سەكۋندقا ارتتا قالىپ, 13-ورىندا كەلەدى.
دايىنداعان
ءالي بيتورە,
«ەگەمەن قازاقستان»
