– سەمەيدىڭ كوشەلەرىن جانە اۋلالاردى اباتتاندىرىپ, گۇلدەندىرىپ, كورىكتەندىرۋگە قالالىق بيۋدجەتتەن 1 ميلليارد 196 ميلليون تەڭگە ءبولىندى, – دەدى قالا اكىمى ەرماك بيداحمەت ۇلى. – بۇل جۇمىستى كۇن سايىن قاداعالاپ وتىرمىز. سالاماتتى ءومىر سالتىن قالىپتاستىرۋ ءۇشىن قالانىڭ ءار جەرلەرىندە 11 سپورتتىق الاڭ سالىنۋ جوسپارلانعان. وعان 90 ميلليون تەڭگە قاراجات بەرىلدى. اسىرەسە قالا تۇرعىندارى اراسىندا قولداۋ تاپقان اباي الاڭىن جوندەۋگە 87 ميلليون تەڭگە ءبولىنۋى وتە قۇپتارلىق بولدى.
قالا كوشەلەرىن كۇردەلى جانە اعىمداعى جوندەۋگە وسى جىلعا 2 ميلليارد 235 ميلليون تەڭگە ءبولىندى. جىل سايىن قالا كوشەلەرىنىڭ جوندەلۋى تۇرعىندار تاراپىنان قولداۋ تاۋىپ وتىر.
سەمەي قالاسى اكىمىنىڭ ءباسپاسوز ءماسليحاتىندا تاراتقان دەرەكتەرگە سۇيەنسەك, كوپتەگەن جىلدار بويى جوندەلمەگەن اسەت نايمانباەۆ كوشەسى اعىمداعى جوندەۋدەن وتۋدە. سونىمەن قاتار اۆتوكولىكتەر كوپ جۇرەتىن تاڭىربەرگەنوۆ, تيتوۆ, ورماندى, قابانباي باتىر, ايماۋىتوۆ جانە تاعى باسقا كوشەلەر جوندەلۋدە. قازىرگى ۋاقىتتا 36 كوشە جولدارى اعىمداعى جوندەۋدەن ءوتتى.
راۋشان نۇعمانبەك,
جۋرناليست
سەمەي
