مەملەكەت باسشىسى قىرعىز رەسپۋبليكاسىنىڭ پرەزيدەنتى سوورونباي جەەنبەكوۆپەن, تاجىكستان رەسپۋبليكاسىنىڭ پرەزيدەنتى ەمومالي راحمونمەن, وزبەكستان رەسپۋبليكاسىنىڭ پرەزيدەنتى شاۆكات ميرزيوەۆپەن بىرگە «استانا» حالىقارالىق قارجى ورتالىعىنىڭ اشىلۋىنا ارنالعان تسيفرلاندىرۋ كورمەسىن ارالاپ كوردى.
قازاقستان پرەزيدەنتى يننوۆاتسيالىق قارجى تەحنولوگيالارىن دامىتۋدى كوزدەيتىن ءتيىمدى ورتانى قالىپتاستىرۋ «استانا» حالىقارالىق قارجى ورتالىعى قىزمەتىنىڭ بىردەن-ءبىر ماڭىزدى باعىتى ەكەنىن ايتتى.
- «استانا» حالىقارالىق قارجى ورتالىعىنىڭ جۇمىسىنا قاتىسۋشىلار ءۇشىن قازاقستاننىڭ عانا ەمەس, بۇكىل الەمنىڭ كاپيتالى قولجەتىمدى بولادى. قارجى ورتالىعىندا پوستكەڭەستىك كەڭىستىكتە بالاماسى جوق, بۇرىن-سوڭدى بولماعان جاعدايلار جاسالدى. كەشە عانا ءبىز سالتاناتتى جاعدايدا زاماناۋي جوعارى تەحنولوگيالى ينفراقۇرىلىمى بار «استانا» حالىقارالىق قارجى ورتالىعى بيرجاسىنىڭ جۇمىسىن باستادىق. بۇگىندە ونىڭ قىزمەتىنە امەريكالىق ناسداك بيرجاسى جانە شانحاي قور بيرجاسى قاتىسىپ وتىر, - دەدى نۇرسۇلتان نازارباەۆ.
