جەكە قاۋىپسىزدىكتى قامتاماسىز ەتۋ جانە تارتىپسىزدىككە جول بەرمەۋ ماقساتىندا جوعارىدا اتالعان ساناتقا جاتاتىن ازاماتتار گالا-كونتسەرت وتەتىن اۋماققا كىرگىزىلمەيتىن بولادى. سونداي-اق, كولىكتەردىڭ كوپتەپ جينالۋىن, كەپتەلىستەردى بولدىرماۋ ءۇشىن استانا قالاسىنىڭ ءىىد ازاماتتارعا قوعامدىق كولىكتە جۇرۋگە كەڭەس بەرەدى. گالا-كونتسەرت كورەرمەندەرىن ەلوردا اكىمدىگىنىڭ ۇيىمداستىرۋىمەن ارنايى اۆتوبۋستار بەلگىلەنگەن ورىنعا جەتكىزەتىن بولادى.
قوعامدىق كولىكتەر مىنا نىساندارعا ايالدايدى
: 1)«جاستار» سارايى (رەسپۋبليكا داڭعىلىنان)
2)«قازاقستان» سپورت سارايى (قاجىمۇقان كوشەسىنەن)
3)ەلوردا تسيركىنىڭ قورعالجىن تاس جولى كوشەسىندەگى تۇراعى
4) دوستىق كوشەسىندەگى «نۇر استانا» مەشىتىنىڭ تۇراعى
جول اقىسى - 90 تەڭگە, جول ءجۇرۋ بيلەتتەرى - جارامسىز.
سونىمەن قاتار, «قازاق ەلى» مونۋمەنتى الاڭىنىڭ اۋدانىنا قىزمەت كورسەتەتىن قالالىق ون باعداردىڭ جۇمىسى تۇنگى ساعات 2-گە دەيىن ۇزارتىلاتىن بولادى. بۇدان بولەك, ەلوردا تۇرعىندارى مەن قوناقتارىنا ساعات 18:00-دەن گالا-كونتسەرتتىڭ سوڭىنا دەيىن م-1 كوپىرىنەن امانجولوۆ كوشەسىنىڭ ارالىعىنداعى بايتۇرسىنوۆ كوشەسىندە, بايتۇرسىنوۆ پەن ناجىمەدەنوۆ كوشەلەرىنىڭ ارالىعىندا جاتقان امانجولوۆ كوشەسىندە, م-3 كوپىرىنەن امانجولوۆ كوشەسىنە دەيىنگى ارالىقتا جاتقان ناجىمەدەنوۆ كوشەسىندە, قوشقارباەۆ پەن ناجىمەدەنوۆ كوشەلەرىنىڭ ارالىعىنداعى تاۋەلسىزدىك داڭعىلىندا (قوعامدىق كولىكتەردەن باسقا) كولىك قۇرالدارىنىڭ قوزعالىسىنا شەكتەۋ قويىلادى. اتالعان اۋدانعا ساپارلاۋدى جوسپارلايتىن ازاماتتارعا ءوز قوزعالىس باعىتتارىن الدىن الا جوسپارلاۋدى سۇرايمىز.
كولىكتى قويۋعا ۇسىنىلاتىن ورىندار:
- وقۋشىلار سارايىنىڭ ب. مومىش ۇلى داڭعىلىنداعى تۇراعى
- «Astana Music Hall» مەيرامحاناسىنىڭ ب. مومىش ۇلى داڭعىلىنداعى تۇراعى
- «نۇر استانا» مەشىتىنىڭ دوستىق كوشەسىندەگى تۇراعى
- «جەتىسۋ» ساياباعىنىڭ سارايشىق كوشەسىندەگى تۇراعى گالا-كونتسەرت اياقتالعان سوڭ, استانانىڭ ترياتلون ساياباعى, ەسىل وزەنى جاعالاۋى, نۇرجول جەلەك جولى اۋماعىنان مەرەكەلىك وت شاشۋدى تاماشالاۋعا بولادى.
