سۋرەتتى تۇسىرگەن ەرلان ومار, «ەگەمەن قازاقستان»
12 اقپان – استاناداعى مەديتسينالىق الەۋمەتتىك وڭالتۋ ورتالىعى جاڭا عيماراتقا كوشتى.
8 ناۋرىز – الەمگە ايگىلى «McDonald’s» مەيرامحانا جەلىسى استانا قالاسىندا دا اشىلدى.
5 ءساۋىر – استانا اكىمى ءا.جاقسىبەكوۆ سوچي قالاسىنىڭ مەرى اناتولي پاحوموۆپەن كەزدەستى. قوس شاھار ءوزارا ىنتىماقتاستىق ورناتۋ تۋرالى كەلىسىمگە كەلدى.
11 ءساۋىر – چەليابى وبلىسىنىڭ استاناداعى كۇندەرى باستالدى.
25 ءساۋىر – ەلوردا اكىمى قالا پوليتسياسىنا قىزمەتى ءۇشىن ەلىمىزدە قۇراستىرىلعان «Peugeot 301» ماركالى 35 اۆتوكولىكتىڭ كىلتىن تاپسىردى.
27 ءساۋىر – ەلباسى ن.نازارباەۆتىڭ توراعالىعىمەن استانا قالاسىنىڭ ەكونوميكالىق دامۋى جانە ەكسپو كورمەسىن وتكىزۋگە ارنالعان كەڭەس ءوتىپ, ەلباسى وسى سالاعا قاتىستى قۇرىلىم باسشىلارىنا تاپسىرمالار بەردى.
19 مامىر – استانادا بوكستان ايەلدەر اراسىندا الەم چەمپيوناتى ءوتتى. قازاقستاندىق قىزدار بايراقتى باسەكەدەن 4 التىن, 2 قولا مەدال ولجالاپ, كوماندالىق ەسەپتە ءبىرىنشى ورىندى يەلەندى.
17 ماۋسىم – قالا اكىمى ءا.جاقسىبەكوۆ مەكتەپ بىتىرگەن 132 تۇلەككە «التىن بەلگى» توسبەلگىسىن تاپسىردى.
1 شىلدە – استانادا سانيتارلىق-گيگيەنالىق جانە تۇرمىسقا قاجەتتى قاعاز ونىمدەرىن وندىرەتىن زاۋىت ىسكە قوسىلدى.
4 شىلدە – استانانىڭ ميلليونىنشى تۇرعىنى دۇنيە ەسىگىن اشتى. اقجولتاي حاباردى ەستىگەن ەلباسى نارەستەنىڭ اتا-اناسىن قۇتتىقتادى. قالا باسشىسى ءا.يسەكەشەۆ ەرلى-زايىپتىلارعا ەلباسى اتىنان پاتەر كىلتىن تاپسىردى.
6 شىلدە – قالا كۇنىنە ارنالعان «باعانالى وردام – باستى وردام» اتتى رەسپۋبليكالىق ايتىس ءوتىپ, باس جۇلدە ەركەبۇلان قاينازارعا بۇيىردى.
6 شىلدە – ەلوردادا ەرەكشە سپورت نىسانى – استانا-ترياتلون پاركى اشىلدى.
12 شىلدە – قالا تۇرعىندارى ماسكەۋ-استانا-بەيجىڭ باعىتىندا «جىبەك جولى – 2016» راللي-مارافونىنا قاتىسۋشىلاردى «بايتەرەك» مونۋمەنتى تۇبىندە قوشامەتپەن قارسى الدى.
24 تامىز – استانا اكىمى ريو-دە-جانەيرو وليمپياداسىندا مەدال العان ەلوردالىق سپورتشىلار دانيار ەلەۋسىنوۆ, ۆاسيلي لەۆيت, گيۋزەل مانيۋروۆاعا تەمىر تۇلپاردىڭ كىلتىن تاپسىردى.
31 تامىز –استانا قالاسىندا ورتالىق ازيا بويىنشا بالاماسى جوق وقۋ ورداسى – قازاق ۇلتتىق حورەوگرافيا اكادەمياسى اشىلدى.
15 قىركۇيەك – استانا اۋەجايىندا ەلوردا ارقىلى جۇك تاسىمالداۋ ينفراقۇرىلىمىن دامىتۋ ماقساتىندا جۇكتەر مەن تاۋارلاردى كەدەندىك راسىمدەۋگە ارنالعان كەدەن بەكەتىنىڭ جاڭا عيماراتى پايدالانۋعا بەرىلدى.
19 قىركۇيەك – ماسكەۋدە استانا كۇندەرى باستالدى. ەكى كۇندىك سالتاناتتى شاراعا ەلىمىزدىڭ ابىرويىن اسىرىپ جۇرگەن ونەر ساڭلاقتارى قاتىستى.
8 قازان – استانا قالاسىنىڭ «جاسىل بەلدەۋ» اۋماعىنىڭ وڭتۇستىك-باتىس بولىگىندە ۇزىندىعى 23 شاقىرىمدىق ۆەلوجول اشىلدى.
14 قازان – پرەزيدەنت ن.نازارباەۆ قالا اكىمى اسەت يسەكەشەۆتى قابىلداپ, ەلوردانىڭ توعىز ايداعى الەۋمەتتىك-ەكونوميكالىق دامۋ قورىتىندىلارىن, تاۋەلسىزدىكتىڭ 25 جىلدىعىن مەرەكەلەۋگە جانە ەكسپو-2017 كورمەسىن وتكىزۋگە دايىندىق بارىسى جايلى سويلەستى.
19 قازان – ەلوردا تورىندە حالىق قاھارمانى راقىمجان قوشقارباەۆتىڭ ەسكەرتكىشى اشىلدى.
21 قازان – باس قالادا «ForteBank Kulanshi Artspace» ونەر گالەرەياسى اشىلدى.
31 قازان – ەكسپو-2017 كورمەسىنە قاتىساتىن مەملەكەتتەردىڭ العاشقى بەستىگى – ۆەنگريا, گەرمانيا, قىتاي, تۇركيا, فرانتسيا پاۆيلوندارىنا سەرتيفيكات تاپسىرىلدى.
6 جەلتوقسان – استانادا ن.نازارباەۆتىڭ قاتىسۋىمەن جالپىۇلتتىق تەلەكوپىر ءوتىپ, شارا ۇستىندە ەلباسى ەلورداداعى قۇرىلىس ماتەريالدارىن شىعاراتىن زاۋىتتى ىسكە قوستى.
12 جەلتوقسان – استانا اكىمى اسەت يسەكەشەۆ ەلورداداعى ورتالىق جەدەل مەديتسينالىق ستانساسىنىڭ جاڭا عيماراتىن سالتاناتتى جاعدايدا اشتى.
16 جەلتوقسان – مەملەكەت باسشىسى ن.نازارباەۆ ەكسپو-2017 كورمەسi اۋماعىندا ورناتىلعان «تاۋەلسىزدىكتىڭ 25 جىلدىعى» مونۋمەنتىن اشتى. نىساننىڭ 25 قىرى ەل تاۋەلسىزدىگىنىڭ 25 جىلدىق داتاسىنا ورايلاستىرىلعان ەكەن.
دايىنداعان
بەكەن قايرات ۇلى,
«ەگەمەن قازاقستان»
