قىمباتتى وتانداستار!
قازاقستان حالقى اسسامبلەياسى سىزدەردى شىن ىقىلاسىمەن بۇكىلحالىقتىق مەرەكە – استانا كۇنىمەن قۇتتىقتايدى!
بۇل – تاۋەلسىزدىگىمىزدىڭ تاريحىندا ەرەكشە ورنى بار مەرەكە.
ويتكەنى استانا كۇنى – جاس مەملەكەتىمىز دامۋدىڭ وزگەشە جولىمەن ءجۇرۋى ءۇشىن ورداسىن ەل ورتالىعىنا كوشىرۋ تۋرالى تاريحي شەشىم قابىلدانعان كۇندى بەينەلەيدى.
استانا – ەلدىڭ ىرگەسى بەرىك بولۋىن ماقسات ەتىپ, اسا ماڭىزدى ستراتەگيالىق قادام جاساعان قازاقستان رەسپۋبليكاسىنىڭ پرەزيدەنتى, ەلباسىمىز ن.ءا.نازارباەۆتىڭ كورەگەندىگىن كورسەتەتىن جوبا.
ەلباسىنىڭ باستاماسىن قولداپ, سارىارقا توسىنە كەلگەن بارشا ادام, قازاقستاندى مەكەن ەتكەن بۇكىل حالىق بۇل جوبانىڭ بىرەگەي تابىستارىنا كۇن سايىن كۋا بولۋدا. جاڭا مارتەبەگە يە بولعالى وتكەن 20 جىل ىشىندە استانا دامۋ قارقىنى مەن ەرەكشە ساۋلەتىنىڭ ارقاسىندا عاسىر عاجاپتارىنىڭ قاتارىندا اتالاتىن دارەجەگە جەتتى. ول ءىرى ساياسي شەشىمدەر قابىلداناتىن, عىلىمي جاڭالىقتار جاسالىپ, مادەني ءىس-شارالار وتكىزىلەتىن تانىمال ورتالىققا اينالدى.
استانا مەن ەل بىرلىگى, دوستىق پەن قوعامدىق كەلىسىم ۇعىمدارى – ءبىر جۇرەتىن قاسيەتتى ۇعىمدار. قازاقستاندىقتاردى عانا ەمەس, جاھان حالقىن تۇسىنىستىك پەن تاتۋلىققا شاقىراتىن سەزدەر مەن فورۋمداردىڭ استانادا وتكىزىلۋىنىڭ ءمانى دە وسىندا.
قىزمەتى ەلدىڭ بىرلىگى مەن ىنتىماعىن ساقتاپ, كەلەر ۇرپاققا بەرەكەسى مول, بىرلىگى بەرىك قوعامدى تابىس ەتۋدى ماقسات ەتەتىن قازاقستان حالقى اسسامبلەياسىنىڭ بيىل وتكەن XXVI سەسسياسىندا «اسسامبلەيا تۋرالى» زاڭعا ەنگىزىلگەن وزگەرىستەر مەن تولىقتىرۋلار ەلىمىزدە وسى ۇعىمداردى ءىس جۇزىندە ورنىقتىرا, بەكىتە ءتۇسۋدى كوزدەيتىنى اتاپ ءوتىلدى.
قۇرمەتتى قازاقستاندىقتار!
بۇگىندە استانا – رۋحاني جاڭعىرىپ, ماڭگىلىك ەل بولۋدى مۇرات ەتكەن, بولاشاعى جارقىن ەلدىڭ ايبىندى ورداسى.
وسىنداي مەرەكەلى كۇنى قازاقستان حالقى اسسامبلەياسى ەلىمىزدىڭ ءاربىر ازاماتىن قۇتتىقتاپ, قۋانىش پەن تابىس, وتباسىنا باق پەن بەرەكە, وتانىمىزعا جانە ەڭسەلى ەلوردامىزعا ءوسىپ-وركەندەۋ تىلەيدى!
استانا – رۋحاني جاڭعىرۋىمىزدىڭ, قازاقستان حالقىنىڭ بولاشاققا دەگەن نىق سەنىمى مەن ونى تۇرلەندىرەتىن جاسامپاز كۇشىنىڭ سيمۆولى بولىپ قالا بەرسىن!
قازاقستان حالقى اسسامبلەياسىنىڭ كەڭەسى
