ىنتىماقپەن كەلگەن ۇلت تويى

مەملەكەت باسشىسىنىڭ اتىنا قازاقستان جۇرتشىلىعىنان ەل تاۋەلسىزدىگىنىڭ 20 جىلدىعىنا بايلانىستى قۇتتىقتاۋلار تولاسسىز كەلىپ تۇسۋدە. حات يەلەرى ەلىمىزدىڭ 20 جىلدا جەتكەن جەتىستىكتەرىن ۇلت كوشباسشىسى, قازاقستان مەم­لەكەتتىلىگىنىڭ نەگىزىن قۇرۋ­شى, الەمدىك دەڭگەيدەگى كور­نەك­تى قايراتكەر, مەملەكەت باس­شىسى ن.ءا.نازارباەۆتىڭ ەسىمىمەن تىعىز بايلانىستىرادى. وسىنداي مازمۇنداعى حات وڭتۇستىك قازاقستان وبلىسى, شاردارا اۋدانىنىڭ جۇرتشى­لى­عىنان كەلدى. «اسا قۇرمەتتى نۇرسۇلتان ءابىش ۇلى! ءسىزدى قاسيەتتى وتانىمىزدىڭ تاۋەل­سىز­دىگىنىڭ 20 جىلدىعى مەرەكەسىمەن شىن جۇرەكتەن قۇت­تى­ق­تايمىز! تاۋەلسىزدىك تەڭدەسسىز باقىت ەكەندىگىن جانە ونى بايان­دى ەتۋ جولىندا عاسىر­لارعا تەڭ قىسقا ۋاقىت ىشىندە وراسان قىز­مەت اتقارعانى­ڭىز­دى ءبىز, شاردارا حالقى, ەرەكشە باعالايمىز ءارى قاستەرلەيمىز. بابالارىمىز اڭ­سا­عان تاۋەل­سىزدىكتى جاريالاپ, جاڭا تۇر­پات­تى, تاۋەلسىز, جاس مەم­لە­كەت­تىڭ ىرگەتاسىن قالاپ, الەم مويىنداعان ەلدەردىڭ قاتا­رىنا قوسۋ ءسىزدىڭ قولىڭىزدان كەلگەنىن ءاردايىم ماقتان ەتەمىز. تاۋەلسىزدىكتىڭ 20 جىلدىعىن ءبىزدىڭ ەلىمىز كوتەرىڭكى كوڭىل­مەن, ايتۋلى جەتىستىكتەرمەن, بە­رەكە, مولشىلىقپەن, ەڭ باس­تىسى, ىنتىماق, بىرلىكپەن قار­سى الىپ وتىر. ءسىزدىڭ باسشى­لىعىڭىزبەن قازاق ەلى تالاي سىننان سۇرىنبەي ءوتتى, الدا دا سۇرىنبەي ءوتىپ, ودان ءارى ءور­كەن­دەي بەرەدى دەپ سەنەمىز», دەلىنگەن حاتتا. ۇجىمدىق حاتقا سوعىس جانە ەڭبەك ارداگەرلەرى, اۋداننىڭ قۇرمەتتى ازامات­تا­رى, زەينەتكەرلەر, ارداقتى انا­لار, ۇستازدار, جەكە كاسىپ­كەر­لەر, ەڭبەككەرلەر, شارۋاشىلىق جەتەكشىلەرى مەن ۇجىمداردىڭ باسشىلارى, ت.ب. قول قويعان. ەلىمىزدىڭ 20 جىل ىشىندە قار­قىندى دامىپ, بۇكىل الەمگە تا­نىمال مەملەكەت بولىپ قالىپ­تاس­قانى ەلباسىنىڭ سارابدال ساياساتىنىڭ جەمىسى ەكەنى وڭ­تۇس­تىك قازاقستان وبلىسى, وتىرار اۋدانىنىڭ تۇرعىنى, ەڭبەك ارداگەرى ك.ايتقۇلدىڭ حاتىندا اتاپ وتىلگەن. ال, ورال قالاسىنىڭ تۇر­عىنى, زەينەتكەر و.يمان­عا­ليەۆ مەملەكەت باسشىسىن قا­زاقستاننىڭ 20 جىلدىق مەي­رامىمەن قۇتتىق­تاي وتىرىپ, زور دەنساۋلىق, مول باقىت جانە ەلىمىزدىڭ وركەندەۋى جولىندا اتقارىپ كەلە جاتقان قىزمەتىنە ۇلكەن تابىستار تىلەگەن. ەلباسى ن.ءا. نازارباەۆتى تاۋەلسىزدىكتىڭ 20 جىلدىعىمەن قۇتتىقتاپ, جۇرەكجاردى قۋا­نىشتارىن بولىسكەن قازاقستان­دىق­تاردىڭ قاتارىندا, سونى­مەن قاتار, «نۇر وتان» پار­تياسىنىڭ مۇشەسى, باتىس قا­زاقستان وب­لى­سى, تالشىق سەلو­سىنىڭ تۇرعىنى ي.يلياسوۆ, تاراز قالاسىنىڭ تۇرعىنى, مەكتەپ وقۋشىسى يسابەك راحات, ماڭعىستاۋ وبلىسى, جاڭاوزەن قالاسىنىڭ تۇرعىنى, مەكتەپ وقۋشىسى ج.شالاباەۆا, قارا­عان­دى وبلىسى, شاحتينسك قالا­سىنىڭ تۇرعىنى پ.بريانتسەۆ, استانا قالاسىنىڭ تۇر­عىن­دارى ە.احمەتوۆ, ە.ابدراحمانوۆ بار.