ەل تاۋەلسىزدىگىنىڭ جيىرما جىلدىق مەرەيتويى قارساڭىندا بەلگىلى كوسەمسوزشى ءارى جازۋشى بەيبىت ساپارالىنىڭ «تۇڭعىش پرەزيدەنتتىڭ بالالىق شاعى» دەگەن كىتاپ-البومى جارىققا شىقتى.
عۇمىرباياندىق دەرەكتەر مەن ەستەلىك-تولعاۋلار مولىنان قامتىلعان, سيرەك كەزدەسەتىن فوتوقۇجاتتارمەن بەزەندىرىلگەن بۇل كىتاپ-البوم «ءافسانامەن ورىلگەن اڭىز عۇمىر», «ءۇشقوڭىر جايلاۋىندا تۋىپ-ءوستىم!», «قاسيەتىڭنەن اينالايىن, قاسكەلەڭ!» جانە «بولاشاقتا كىمدەر بولماق پرەزيدەنت؟» اتتى ءتورت بولىمنەن تۇرادى.
اۆتوردىڭ ەلىمىزدىڭ تۇڭعىش پرەزيدەنتى – ەلباسى ن.ا.نازارباەۆتىڭ بالالىق شاعى, ەسەيۋ جىلدارى تۋرالى وسى اتتاس كىتابى 1995 جىلى جەكە كىتاپ بولىپ شىققان ەدى. ال بۇل كىتاپقا بەيبىت ساپارالى سول كىتاپتى نەگىزگە الا وتىرىپ, تىڭ دەرەكتەر مەن پرەزيدەنتتىڭ سىنىپتاستارىنىڭ ايتقان سونى پىكىر-ەستەلىكتەرىن, وسكەن ورتاسىن, تۋعان ءولكەسىن شىنايى كورسەتە بىلگەن ەكەن. سوندىقتان دا اۆتوردىڭ اتالعان ەڭبەگى ەش بوياماسىز تارتىمدى وقىلادى.
«تۇڭعىش پرەزيدەنتتىڭ بالالىق شاعىنىڭ» تاعى ءبىر ەرەكشەلىگى, بۇل دۇنيەدە ولكەتانۋ, جامبىلتانۋ, سونداي-اق نۇرسۇلتانتانۋ تاقىرىپتارىنا بايلانىستى كەيبىر وزەكتى ءماسەلەلەردىڭ دە قامتىلۋى دەر ەدىك. وسى ارقىلى دا كىتاپ-البوم ءوزىنىڭ تانىمدىق, تاعىلىمدىق جانە ناسيحاتشىلىق قىرىن ارتتىرىپ وتىر.
ءاليسۇلتان قۇلانباي.
